ମୁମ୍ବାଇ: ଡ୍ରଗ୍ସ ମାମଲାରେ ଛନ୍ଦି ହୋଇଛନ୍ତି ଆଉ ଜଣେ ଅଭିନେତା। ଦୀର୍ଘ ସମୟ ଧରି ପଚରାଉଚରା ପରେ ଏନ୍ସିବି ଅଭିସନେତା ଏଜାଜ ଖାନ୍ଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଗିରଫ କରିଛି। ଏଥିସହ ତାଙ୍କ ଘରୁ କିଛି ନିଶାଜାତ ଔଷଓ ମଧ୍ୟ ଜବତ କରିଛି ଏନ୍ସିବି। ଏହି ମାମଲାରେ ଡ୍ରଗ୍ ପ୍ୟାଡଲର୍ ଶାଦାବ ବଟାଟାଙ୍କ ଗିରଫଦାରୀ ପରେ ଏଜାଜଙ୍କ ନାଁ ସାମ୍ନାକୁ ଆସିଥିଲା। ମଙ୍ଗଳବାର ରାଜସ୍ଥାନରୁ ମୁମ୍ବାଇ ଫେରିବା ପରେ ଏଜାଜଙ୍କୁ ଏୟାରପୋର୍ଟରୁ ଅଟକ ରଖିଥିଲା ଏନସିବି।
ଘଟଣାରୁ ଜଣାପଡିଛି ଯେ, ଏଜାଜ ଖାନ ଡ୍ରଗ୍ସ କିଙ୍ଗ ରୂପେ ଜଣାଶୁଣା ଫାରୁଖ ବଟାଟା ଏବଂ ତାର ପୁଅ ଶାଦାବ ବଟାଟା ସହ କାମ କରୁଥିଲେ । ଏପରିକି ଦୀର୍ଘଦିନ ଧରି ଏମାନଙ୍କ ସହ ଡ୍ରଗ୍ସ ବ୍ୟବସାୟ ବି ଚଳାଉଥିଲେ । ଏହି ମାମଲାରେ ଏଜାଜକୁ ଏନ୍ସିବି ଦୀର୍ଘ ସମୟ ଧରି ପଚରାଉଚରା କରିବା ପରେ ବିଳମ୍ୱିତ ରାତିରେ ଗିରଫ କରିଛି। ଏନସିବି ଏଜାଜଙ୍କୁ ଗିରଫ କରିବା ପରେ ଅନ୍ଧେରୀ ଓ ଲୋଖଣ୍ଡୱାଲାର କିଛି ସ୍ଥାନରେ ଚଢ଼ାଉ କରିଛି । ତେବେ ଚଢ଼ାଉ ସମୟରେ ଡ୍ରଗ ମିଳିଛି କି ନାହିଁ ତାହା ଏଯାବତ୍ ସ୍ପଷ୍ଟ ହୋଇନି । ଏହା ପୂର୍ବରୁ ଏନ୍ସିବି ଡ୍ରଗ ମାଫିଆ ଫାରୁଖ ବଟାଟାକୁ ପାଖାପାଖି ୮ ଘଣ୍ଟା ଧରି ପଚରାଉଚରା କରିଥିଲା ।
