ଭୁବନେଶ୍ୱର : ରାଜ୍ୟପାଳ ଡଃ ଏସ୍.ସି.ଜମିରଙ୍କ କାର୍ଯ୍ୟକାଳ ଆସନ୍ତାକାଲି ଶେଷ ହେଉଛି । କାର୍ଯ୍ୟକାଳର ଶେଷଦିନରେ ରାଜ୍ୟପାଳ ବିଧାନସଭାର ବଜେଟ୍ ଅଧିବେଶନରେ ଅଭିଭାଷଣ ପ୍ରଦାନ କରିବେ । ତାଙ୍କ ପରେ କିଏ ରାଜ୍ୟର ରାଜ୍ୟପାଳ ହେବେ ତାହା ଉପରେ ସମସ୍ତଙ୍କ ନଜର ରହିଛି ।ଭୁବନେଶ୍ୱର : ରାଜ୍ୟପାଳ ଡଃ ଏସ୍.ସି.ଜମିରଙ୍କ କାର୍ଯ୍ୟକାଳ ଆସନ୍ତାକାଲି ଶେଷ ହେଉଛି । କାର୍ଯ୍ୟକାଳର ଶେଷଦିନରେ ରାଜ୍ୟପାଳ ବିଧାନସଭାର ବଜେଟ୍ ଅଧିବେଶନରେ ଅଭିଭାଷଣ ପ୍ରଦାନ କରିବେ । ତାଙ୍କ ପରେ କିଏ ରାଜ୍ୟର ରାଜ୍ୟପାଳ ହେବେ ତାହା ଉପରେ ସମସ୍ତଙ୍କ ନଜର ରହିଛି । ଡଃ ଜମିର ୨୦୧୩ ମାର୍ଚ୍ଚ ୨୧ତାରିଖରେ ଓଡ଼ିଶାର ରାଜ୍ୟପାଳ ଭାବେ ଦାୟିତ୍ୱ ଗ୍ରହଣ କରିଥିଲେ ଓ ତାଙ୍କର କାର୍ଯ୍ୟକାଳ ଆସନ୍ତାକାଲିି ଶେଷ ହେଉଛି । ୮୭ବର୍ଷୀୟ ଡଃ ଜମିର ଓଡ଼ିଶାର ୪୪ତମ ରାଜ୍ୟପାଳ ଭାବେ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେଙ୍କ ପରେ ଦାୟିତ୍ୱ ଗ୍ରହଣ କରିଥିଲେ । ଆଧୁନିକ ନାଗାଲ୍ୟାଣ୍ଡ ଗଠନର ଜନକ ଭାବେ ପରିଚିତ ଡଃ ଜମିର ପ୍ରଧାନମନ୍ତ୍ରୀ ଜବାହାରଲାଲ ନେହରୁଙ୍କ ସମୟରେ ବୈଦେଶିକ ବ୍ୟାପାର ମନ୍ତ୍ରଣାଳୟ ଦାୟିତ୍ୱରେ ରହିଥିଲେ । ପରେ ସେ କେନ୍ଦ୍ରରେ ବିଭିନ୍ନ ବିଭାଗର ମନ୍ତ୍ରୀ, ନାଗାଲ୍ୟାଣ୍ଡର ମୁଖ୍ୟମନ୍ତ୍ରୀ, ଗୋଆ ଓ ମହାରାଷ୍ଟ୍ରର ରାଜ୍ୟପାଳ ଭାବେ ଦାୟିତ୍ୱ ତୁଲାଇଥିଲେ ।
