ଭୁବନେଶ୍ୱର(ଓଡ଼ିଶା ୱେୟାର): ୨୦୦୪ ମସିହା ବ୍ୟାଚ୍ ଆଇପିଏସ ଆଶୀଷ କୁମାର ସିଂଙ୍କୁ ରାଜ୍ୟ ଅବକାରୀ କମିଶନର ଭାବେ ନିଯୁକ୍ତି ମିଳିଛି ।
ସାଧାରଣ ପ୍ରଶାସନ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ, କେନ୍ଦ୍ରାଂଚଳ ଡିଆଇଜି ତଥା ଆଇପିଏସ୍ ଶ୍ରୀ ସିଂଙ୍କୁ ଅବକାରୀ କମିଶନର ଭାବେ ବଦଳି କରାଯାଇଛି ଓ ସେଠାରେ ଥିବା ଆଇଏଏସ୍ ଅଞ୍ଜନ କୁମାର ମାନିକଙ୍କୁ ସେଠାରୁ ହଟାଇ ଦିଆଯାଇଛି । ଶ୍ରୀ ମାନିକ ଅବକାରୀ କମିଶନର ସହ ଆଇଜି, ରେଜିଷ୍ଟ୍ରେସନ ଭାବେ ଅତିରିକ୍ତ ଦାୟିତ୍ୱ ତୁଲାଉଥିଲେ । ଶ୍ରୀ ମାନିକ ଏଣିକି କେବଳ ଆଇଜି,ରେଜିଷ୍ଟ୍ରେସନ ଭାବେ କାର୍ଯ୍ୟ କରିବେ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି । ସେହିପରି ଆଶୀଷଙ୍କ ସ୍ଥାନରେ କାହାରିକୁ କେନ୍ଦ୍ରାଂଚଳ ପୁଲିସ ଡିଆଇଜି ଭାବେ ନିଯୁକ୍ତି ମିଳିନଥିବା ଜଣାପଡ଼ିଛି ।
ଉଲ୍ଲେଖଯୋଗ୍ୟ, ୨୦୧୯ ସାଧାରଣ ନିର୍ବାଚନରେ ଶାସକ ଦଳ ପାଇଁ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଥିବା ଆଇପିଏସ୍ ଶ୍ରୀ ସିଂ ଏବେ ପାୱାର କରିଡରର ଗୁଡବୁକରେ ନଥିବାରୁ ତାଙ୍କୁ ଅପେକ୍ଷାକୃତ କମ୍ ଗୁରୁତ୍ୱପୂର୍ଣ୍ଣ ଅଣଆଇପିଏସ୍ ପଦବୀରେ ଅବସ୍ଥାପିତ କରାଯାଇଛି ।
