ଭୁବନେଶ୍ୱର(ଓଡ଼ିଶା ୱେୟାର) : ଏଥର ନିର୍ବାଚନ ପାଇଁ ଓଡ଼ିଶା କଂଗ୍ରେସ ପକ୍ଷରୁ ନିର୍ବାଚନ ଇସ୍ତାହାର ବା ପ୍ରତିଶ୍ରୁତି ପତ୍ର ଘୋଷଣା କରାଯାଇଛି । ଏଥିରେ ଦଳ ପ୍ରତିଶ୍ରୁତିରେ ପୋତି ପକାଇଛି । ଚାଷୀଙ୍କ ଋଣଛାଡ଼, ଗରିବଙ୍କୁ ମାସିକ ୬୦୦୦ ଟଙ୍କା ଆୟ ଓ ବେକାରୀଙ୍କୁ ୩୦୦୦ ଟଙ୍କା ଭତ୍ତା, ଝିଅମାନଙ୍କୁ ମାଗଣାରେ ସବୁ ପ୍ରକାର ଶିକ୍ଷାଠୁ ଆରମ୍ଭ କରି ଅନେକ ଆକର୍ଷଣୀୟ ଲୋଭ ଭୋଟରଙ୍କୁ ଦେଖାଇଛି । ଆଜି ଦଳ ପକ୍ଷରୁ ଏ ନେଇ ଘୋଷଣା କରାଯାଇଛି ।
• ଏଥିମଧ୍ୟରେ ରହିଛି ‘ନ୍ୟାୟ’ ଯୋଜନାରେ ପ୍ରତି ଗରିବ ପରିବାରଙ୍କୁ ମାସିକ ୬ ହଜାର ଟଙ୍କାର ସହାୟତା । ଯଦି ଓଡିଶାରେ କଂଗ୍ରେସ ସରକାର ଗଢେ ତେବେ ଗରିବ ଲୋକଙ୍କ ମାସିକ ୬ ହଜାର ଟଙ୍କା ଲେଖାଏଁ ଆୟର ଗ୍ୟାରେଂଟି ଦିଆଯିବ । ଆଉ ଏହି ଟଙ୍କା ଗରିବ ପରିବାରର ମହିଳାଙ୍କ ଖାତାରେ ଜମା କରିବ ଦଳ ।
• ସେହିପରି ପ୍ରତି ପରିବାରକୁ ସରକାରୀ ହେଉ ଅବା ବେସରକାରୀ ହେଉ, ଯୁବକମାନଙ୍କ ନିଯୁକ୍ତି ଦିଆଯିବ ।
• ଚାକିରି ଆରମ୍ଭର ବୟସ ସୀମାକୁ ମଧ୍ୟ ବୃଦ୍ଧି କରାଯିବ ।
• ଯେପର୍ଯ୍ୟନ୍ତ ସେ ଚାକିରି ପାଇନାହାଁନ୍ତି, ଯୁବକମାନଙ୍କୁ ମାସିକ ୩ ହଜାର ଟଙ୍କା ବେକାରୀ ଭତ୍ତା ଦିଆଯିବ ।
• ଠିକା କର୍ମଚାରୀଙ୍କୁ ନିୟମିତ କରାଯିବ ।
• ୨୦୨୪ ସୁଦ୍ଧା ସମସ୍ତଙ୍କୁ ଘର ଓ ଭୂମି ଦେବାକୁ ବି ପ୍ରତିଶ୍ରୃତି ଦେଇଛି କଂଗ୍ରେସ ।
• ମହିଳା ସଶକ୍ତିକରଣ ପାଇଁ ପାର୍ଲାମେଂଟ, ବିଧାନସଭା ଓ ସମସ୍ତ ସରକାରୀ ଚାକିରୀରେ ୩୩ ପ୍ରତିଶତ ସଂରକ୍ଷଣ ପାଇଁ ଇସ୍ତାହାରରେ କହିଛି କଂଗ୍ରେସ ।
• ସେହିଭଳି ୬ ମାସ ଭିତରେ ଚିଟଫଣ୍ଡ ଜମାକାରୀଙ୍କୁ ସେମାନଙ୍କ ଟଙ୍କା ଫେରାଯିବ ।
• ମନରେଗାକୁ ୧୫୦ ଦିନ ବଢାଯିବ ।
• ୨୦୨୪ ସୁଦ୍ଧା ସମସ୍ତ ଗାଁ ଓ ସହରାଂଚଳ ବାସିନ୍ଦାଙ୍କୁ ପିଇବା ପାଣି ଦିଆଯିବ ।
• ଅଙ୍ଗନୱାଡି କର୍ମୀଙ୍କୁ ମାସିକ ୯ ହଜାର ଟଙ୍କାର ମାସିକ ଦରମା ବଢାଇବାକୁ ବି ପ୍ରତିଶ୍ରୃତି ଦେଇଛି କଂଗ୍ରେସ ।
• ମହିଳାଙ୍କୁ ମାଗଣ ଶିକ୍ଷା ଓ ଗରିବ ପରିବାରକୁ ବିବାହ ପାଇଁ ଆର୍ଥିକ ସହାୟତା ଦେବାକୁ ବି କଂଗ୍ରେସ ପ୍ରତିଶ୍ରୃତି ଦେଇଛି । ସେହିଭଳି ଦ୍ୱାଦଶ ଯାଏଁ ମହିଳାମାନଙ୍କୁ ମାଗଣା ଶିକ୍ଷା। ମହିଳାମାନଙ୍କ ବୈଷୟିକ ଶିକ୍ଷା ପାଇଁ ସରକାରୀ କଲେଜରେ ମାଗଣା ଶିକ୍ଷାଦାନ। ବାହାଘର ସମୟରେ ମହିଳାଙ୍କୁ ଆର୍ଥିକ ସହାୟତା ମିଳିବ। ମହିଳାମାନଙ୍କ ନାମରେ ଥିବା ସମସ୍ତ ମାମଲା ପ୍ରତ୍ୟାହାର କରି ନିଆଯିବ।
• ଚାଷୀମାନଙ୍କ ପାଇଁ କଂଗ୍ରେସ ଇସ୍ତାହାରରେ ରହିଛି କି, ଯଦି କଂଗ୍ରେସ ସରକାର ଗଢେ ତେବେ ଚାଷୀଙ୍କ ଋଣ ଛାଡ କରାଯିବ । ୨ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଛାଡ କରାଯିବ । ଚାଷ ପାଇଁ ବ୍ୟବହୃତ ବିଦ୍ୟୁତକୁ ଛାଡ କରାଯିବ । ଯେଉଁଠି ମହିଳା ଚାଷୀ ଥିବେ ତାଙ୍କୁ ମାଗଣାରେ ଦିଆଯିବ ।
• ଯେଉଁ ଚାଷୀମାନେ ଋଣ ଫେରାଇ ଦେଇଛନ୍ତି, ସେମାନଙ୍କର ଟଙ୍କା ଫେରସ୍ତ କରିଦିଆଯିବ । ଏହାବ୍ୟତୀତ ସୋଲାର ପମ୍ପ ଚାଷୀ ମାନଙ୍କୁ ଦିଆଯିବ ।
• ବାର୍ଦ୍ଧକ୍ୟ ପେନ୍ସନ୍ ୧୫୦୦ ଟଙ୍କା ଦିଆଯିବ। ବିଧବା ଓ ଅସହାୟ ପେନ୍ସନ୍ ରାଶି ୨୦୦୦ ଟଙ୍କା କରାଯିବ। ୭୦ ବର୍ଷରୁ ଅଧିକ ବୟସ୍କ ନାଗରିକଙ୍କୁ ମଧ୍ୟ ୨୦୦୦ ଟଙ୍କା ବାର୍ଦ୍ଧକ୍ୟ ଭତ୍ତା ମିଳିବ।
• ଏହାଛଡା ୩ ବର୍ଷ ପାଇଁ ବାର୍ଷିକ ୧୦ ହଜାର ଟଙ୍କା ଲେଖାଏଁ ବର୍ଷକୁ ଅନ୍ୟାନ୍ୟ ଚାଷ କାମ କରିବା ପାଇଁ ଆର୍ଥିକ ସହାୟତା ଦିଆଯିବ ।
• ଧାନର ଏମଏସପି ମୂଳ ତଥା ୨ହଜାର ୬୦୦ଟଙ୍କାରେ ଚାଷୀମାନଙ୍କଠାରୁ କିଣିଯିବ । ମୀନାଥମ କମିଟିକୁ ଦଳ ଗ୍ରହଣ କରିବ । ଏବଂ ଧାନ ବ୍ୟତୀତ ଅନ୍ୟାନ୍ୟ କୃଷିଜାତ ଦ୍ରବ୍ୟକୁ ଗୁରୁତ୍ୱ ଦେବୁ ।
• ସ୍ୱାମୀନାଥନ କମିଟିକୁ ଦଳ ଗ୍ରହଣ କରିବ । ଏବଂ ଧାନ ବ୍ୟତୀତ ଅନ୍ୟାନ୍ୟ କୃଷିଜାତ ଦ୍ରବ୍ୟକୁ ଗୁରୁତ୍ୱ ଦେବୁ ।
• ସମସ୍ତ ପ୍ରାଥମିକ ଓ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ସବୁ ପ୍ରକର ନିଦାନ, ଅସ୍ତ୍ରୋପଚାର ଆଦି ମାଗଣାରେ କରାଯିବ।
