ଭୁବନେଶ୍ୱର, (ଓଡ଼ିଶା ୱେୟାର): ମହାମାରୀ କରୋନାର ଉପରମୁହାଁ ଦେଖି ମୁକାବିଲା ଲାଗି ରାଜ୍ୟ ସରକାର ପ୍ରସ୍ତୁତି ଜାରି ରଖିଛନ୍ତି।ରାଜ୍ୟରେ ଏବେ କୋଭିଡ୍ ରୋଗୀଙ୍କ ପାଇଁ ବିଭିନ୍ନ ହସ୍ପିଟାଲରେ ୯୦୦୮ଟି ବେଡ୍ ରହିଛି। ସେହିପରି ଘରୋଇ ହସ୍ପିଟାଲରେ ୪,୬୪୦ ବେଡ୍ ଓ ସରକାରୀ ହସ୍ପିଟାଲରେ ୪,୩୬୮ଟି ବେଡ୍ ରହିଛି। ସେହି ତୁଳନାରେ ରାଜ୍ୟରେ ଏବେ କରୋନା ରୋଗୀ ୧୫୭୬ ଜଣ ଅଛନ୍ତି।
ଘରୋଇ ହସ୍ପିଟାଲରେ ୭୫୩ ଜଣ ଥିବା ବେଳେ ସରକାରୀ ହସ୍ପିଟାଲରେ ୮୨୩ ଜଣ ଅଛନ୍ତି। ରାଜ୍ୟର ବିଭିନ୍ନ ଘରୋଇ ହସ୍ପିଟାଲରେ ୧୪୯୪ଟି ଆଇସିୟୁ ରହିଥିବା ବେଳେ ଏଥିରେ ୩୨୦ ଜଣ ରୋଗୀ ଅଛନ୍ତି। ସରକାରୀ ହସ୍ପିଟାଲରେ ୫୨୪ ଆଇସିୟୁ ଥିବାବେଳେ ୧୦୪ ରୋଗୀ ଅଛନ୍ତି।
