ଭୁବନେଶ୍ୱର : ରାଜ୍ୟ ସରକାର ୨୪୫୫୩ଜଣ ଜୁନିୟର ଶିକ୍ଷକ ଓ ୨୭୯୫ଜଣ ଚୁକ୍ତିଭିତ୍ତିକ ଶିକ୍ଷକଙ୍କୁ ନିଯୁକ୍ତି ଦେବା ପ୍ରକ୍ରିୟା ଆରମ୍ଭ କରିଛନ୍ତି । ସ୍କୁଲ ଓ ଗଣଶିକ୍ଷା ବିଭାଗର ଅନୁରୋଧ ପରେ ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ ଏହି ଶିକ୍ଷକଙ୍କ ନିଯୁକ୍ତି ପାଇଁ ଜୁନ୍ ୨୮ତାରିଖରେ ବିଧିବଦ୍ଧ ବିଜ୍ଞପ୍ତି ପ୍ରକାଶ କରିବେ ବୋଲି ଜଣାପଡ଼ିଛି । ଗତକାଲି ଷ୍ଟାଫ୍ ସିଲେକ୍ସନ୍ କମିଶନଙ୍କ କାର୍ଯ୍ୟାଳୟରୁ ଜାରି ବିଜ୍ଞପ୍ତି ଅନୁସାରେ ପ୍ରାଥମିକ ସ୍କୁଲ ପାଇଁ ୨୪୫୫୩ଜଣ ଜୁନିୟର ଶିକ୍ଷକ ଓ ମାଧ୍ୟମିକ ସ୍କୁଲ ପାଇଁ ୨୭୯୫ଶିକ୍ଷକ ନିଯୁକ୍ତି ପାଇବେ । ଏହି ନୂତନ ଶିକ୍ଷକଙ୍କ ନିଯୁକ୍ତି ପାଇ ଅନ୍ଲାଇନ୍ରେ ଆବେଦନର ଶେଷ ତାରିଖ ଜୁଲାଇ ୨୯ତାରିଖ ରହିଥିବାବେଳେ ପରୀକ୍ଷା ନଭେମ୍ବର ୨୫ତାରିଖରେ ଅନୁଷ୍ଠିତ ହେବ । ପରୀକ୍ଷାରେ କୃତକାର୍ଯ୍ୟ ହୋଇଥିବା ପ୍ରାର୍ଥୀମାନଙ୍କୁ ୨୦୧୯ ଫେବୃୟାରୀ ମାସ ୨ରୁ ୧୫ତାରିଖ ମଧ୍ୟରେ କାର୍ଯ୍ୟରେ ଯୋଗ ଦେବାକୁ କୁହାଯାଇଛି ।
