ଭୁବନେଶ୍ୱର : ଦୁଷ୍କର୍ମର ଶିକାର ହୋଇଥିବା ସାଲେପୁର ନାବାଳିକାଙ୍କ ଆଜି ମୃତ୍ୟୁ ଘଟିଛି । ଏସସିବି ମେଡିକାଲରେ କିଛଦିନ ଧରି ଚିକିତ୍ସିତ ହେଉଥିବା ନାବାଳିକାଙ୍କ ମୃତ୍ୟୁ ସମ୍ପର୍କରେ ମେଡିକାଲ କର୍ତ୍ତୃପକ୍ଷ ଆନୁଷ୍ଠାନିକ ଭାବେ ଘୋଷଣା କରିଛନ୍ତି । ନାବାଳିକାର ମୃତ୍ୟୁକୁ ନେଇ ତୀବ୍ର ଅସନ୍ତୋଷ ବ୍ୟାପିଛି । ଅଭିଯୁକ୍ତକୁ ପୁଲିସ୍ ଗିରଫ କରିଥିବାବେଳେ ଏବେ ତାଙ୍କ ବିରୁଦ୍ଧରେ ହତ୍ୟା ମାମଲା ରୁଜୁ ହେବ ବୋଲି ସୂଚନା ଦେଇଛି । ନାବାଳିକା ଦୁଷ୍କର୍ମ ପୀଡ଼ିତା ମୃତ୍ୟୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ବ୍ୟକ୍ତ କରିଛନ୍ତି । ପୀଡ଼ିତାଙ୍କ ପରିବାର ପ୍ରତି ସମବେଦନା ଜଣାଇବା ସହ ତାଙ୍କର ନିକଟ ସମ୍ପର୍କୀୟଙ୍କୁ ୫ଲକ୍ଷ ଟଙ୍କାର କ୍ଷତିପୂରଣ ଦିଆଯିବ ବୋଲି ଘୋଷଣା କରିଛନ୍ତି ।
