ଭୁବନେଶ୍ୱର : ଚଳିତ ରାଜ୍ୟ ବଜେଟ୍ ଏକ ଦୂରଦୃଷ୍ଟିସଂପନ୍ନ ବଜେଟ୍ ଓ ଏଥିରେ ସବୁବର୍ଗର କଲ୍ୟାଣ ନିମନ୍ତେ ବ୍ୟବସ୍ଥା କରାଯାଇଛି ତଥା ଏହା ଓଡ଼ିଶାର ବିକାଶ ପ୍ରକ୍ରିୟାକୁ ଆହୁରି ତ୍ୱରାନ୍ୱିତ କରିବ ବୋଲି ବିଜେଡି କହିଛି ।ଭୁବନେଶ୍ୱର : ଚଳିତ ରାଜ୍ୟ ବଜେଟ୍ ଏକ ଦୂରଦୃଷ୍ଟିସଂପନ୍ନ ବଜେଟ୍ ଓ ଏଥିରେ ସବୁବର୍ଗର କଲ୍ୟାଣ ନିମନ୍ତେ ବ୍ୟବସ୍ଥା କରାଯାଇଛି ତଥା ଏହା ଓଡ଼ିଶାର ବିକାଶ ପ୍ରକ୍ରିୟାକୁ ଆହୁରି ତ୍ୱରାନ୍ୱିତ କରିବ ବୋଲି ବିଜେଡି କହିଛି । ରାଜ୍ୟ ବଜେଟ୍ ଉପରେ ପ୍ରତିକ୍ରିୟା ଦେଇ ବିଜେଡି ସମ୍ପାଦକ ବିଜୟ ନାୟକ କହିଛନ୍ତି ଯେ, ରାଜ୍ୟର ଶକ୍ତି ଓ ସାମର୍ଥ୍ୟର ଉପଯୁକ୍ତ ବିନିଯୋଗ ନିମନ୍ତେ କାର୍ଯ୍ୟକ୍ରମ ରଖାଯାଇଛି । ଓଡ଼ିଶାକୁ ସାମଗ୍ରିକ ଭାବେ ସଶକ୍ତ କରି ଗଢ଼ି ତୋଳିବା ଲକ୍ଷ୍ୟ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ବିଜେଡି ସରକାର ଆଗତ କରିଥିବା ଏହି ବଜେଟ୍ର ମୂଳ ଲକ୍ଷ୍ୟ ହେଉଛି, ରାଜ୍ୟରେ ଆର୍ôଥକ ଅଭିବୃଦ୍ଧି ଓ ରାଜ୍ୟ ତଥା ରାଜ୍ୟବାସୀଙ୍କ ଆର୍ôଥକ ବିକାଶ ଘଟାଇବ । ବିଜୁ ଜନତା ଦଳ ପୂର୍ବରୁ ରାଜ୍ୟବାସୀଙ୍କୁ ଯେଉଁ ପ୍ରତିଶ୍ରୁତି ଦେଇଥିଲା, ସେ ସମସ୍ତ ପ୍ରତିଶ୍ରୁତି ବିଗତ ବଜେଟ୍ମାନଙ୍କରେ ନବୀନ ପଟ୍ଟନାୟକଙ୍କ ନେତୃତ୍ୱରେ ତାହା ପ୍ରତିଫଳିତ ହୋଇଆସିଛି । ଚଳିତ ବଜେଟ୍ର ରୂପରେଖରୁ ସ୍ପଷ୍ଟ ଜଣାପଡୁଛି ଯେ ଏଥର କୃଷି ଓ କୃଷକ, ଓଡ଼ିଆ ଭାଷା ଆଦି ଉପରେ ପ୍ରାଧାନ୍ୟ ଦିଆଯାଇଛି । କୃଷି ହେଉଛି ଓଡ଼ିଶା ଅର୍ଥନୀତିର ମେରୁଦଣ୍ଡ । କୃଷି ଉପରେ ଓଡ଼ିଶାର ପ୍ରାୟ ୭୦ ଭାଗ ଲୋକ ନିର୍ଭର କରନ୍ତି । ଏଣୁ କୃଷିକୁ ସରକାର ପ୍ରାଥମିକତା ଦେଇ ଆସୁଛନ୍ତି । ୨୦୧୩-୧୪ ଆର୍ଥିକ ବର୍ଷରେ ପ୍ରଥମେ ସ୍ୱତନ୍ତ୍ର କୃଷି ବଜେଟ୍ ୭୧୬୨ କୋଟି ଟଙ୍କାର ଉପସ୍ଥାପିତ ହୋଇଥିଲା । ଚଳିତ ଆର୍ôଥକ ବର୍ଷ ପାଇଁ ୧୩୦ ପ୍ରତିଶତ ବୃଦ୍ଧି କରି ୧୬,୭୬୫ କୋଟି ଟଙ୍କାର ସ୍ୱତନ୍ତ୍ର କୃଷି ବଜେଟ୍ ଉପସ୍ଥାପିତ ହୋଇଛି । ଏହି ବଜେଟ୍ ଯେତିକି ଲୋକାଭିମୁଖୀ ସେତିକି ରାଜ୍ୟାଭିମୁଖୀ ଏବଂ ସମାନ ପରିମାଣରେ ରାଜ୍ୟବାସୀଙ୍କ ଅର୍ଥନୈତିକ ବିକାଶ ଅଭିମୁଖୀ ବଜେଟ୍ । ଏହା ଏକ ସ୍ୱୟଂସଂପୂର୍ଣ୍ଣ ବଜେଟ୍ । ବିଶେଷକରି ମହିଳାଙ୍କ ସ୍ୱଚ୍ଛତା ଓ ସ୍ୱାସ୍ଥ୍ୟସେବା ଏବଂ ଯୁବତୀଯୁବକମାନଙ୍କ ଦକ୍ଷତା ବୃଦ୍ଧି ଓ ନିୟୋଜନିୟତା ବଢ଼ାଇବା ସହ ବିଶ୍ୱସ୍ତରୀୟ ପ୍ରତିଯୋଗିତାମୂଳକ କରିବା କ୍ଷେତ୍ରରେ ସରକାର ଗୁରୁତ୍ୱାରୋପ କରିଛନ୍ତି । ବିଜେଡି ସରକାର ଗଠନ ହେବା ପରେ ଦଳର ଇସ୍ତାହାରକୁ ରାଜ୍ୟ ସରକାର ସଂକଳ୍ପଭାବେ ଗ୍ରହଣ କରି ତାକୁ କାର୍ଯ୍ୟକାରୀ କରାଇବାକୁ କ୍ରମାଗତ ଭାବେ ଉଦ୍ୟମ କରି ଆସୁଛନ୍ତି । ସବୁ କ୍ଷେତ୍ରରେ ଓଡ଼ିଶାକୁ ସଶକ୍ତ କରିବା ମୁଖ୍ୟମନ୍ତ୍ରୀଙ୍କ ପ୍ରୟାସ, ଯାହା ଆଜି ଆଗତ ହୋଇଥିବା ବଜେଟ୍ରେ ପ୍ରତିଫଳିତ ହୋଇଛି ବୋଲି ବିଜେଡି କହିଛି ।
