ଭୁବନେଶ୍ୱର(ଓଡ଼ିଶା ୱେୟାର) : ବିଜେପି ପ୍ରାର୍ଥୀ ଡାକ୍ତର ଭୂଦାନ ମୁର୍ମୁ ଗତ ଛଅ ମାସ ହେଲା ନିଜ ପଦବୀରୁ ଇସ୍ତଫା ଦେଇଥିବା ବେଳେ ସରକାର ଏଯାଏଁ ତାଙ୍କ ଇସ୍ତଫା ଗ୍ରହଣ କରୁନାହାନ୍ତି। ଫଳରେ ସେ ଏଥର ପ୍ରାର୍ଥୀ ହୋଇ ପାରିବେ ନାହିଁ | ଏଣୁ ବିଜେପିର ଏକ ଟିମ ଆଜି ନବୀନ ନିବାସ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଖକୁ ଯାଇ ଫେରାଦ ଦେଇଛନ୍ତି ଏବଂ ଆମ ଡାକ୍ତରଙ୍କ ଇସ୍ତଫାକୁ ଗ୍ରହଣ କର ବୋଲି କହିଛନ୍ତି | ତେବେ ମୁଖ୍ୟମନ୍ତ୍ରୀ ଏହି ଘଟଣାରେ କୌଣସି ପ୍ରତିକ୍ରିୟା ଦେଉନଥିବା ବେଳେ ସେ ଧାରଣାରେ ବସିଥିବାର ଦେଖିବାକୁ ମିଳୁଛନ୍ତି | ତାଙ୍କ ଦାବୀ ପୁରଣ ନ ହେଲେ ସେ ଆଗକୁ ଆହୁରି ଧାରଣା ଦେଇ ବସିବେ ବୋଲି ସୂଚନା ମିଳିଛି |
ସୂଚନାନୁଯାୟୀ, ବିଜେପିର ସାରସକଣାର ଆଶାୟୀ ପ୍ରାର୍ଥୀ ଡା.ମୁର୍ମୁଙ୍କ ଗଣତାନ୍ତ୍ରିକ ଅଧିକାରରୁ ରାଜ୍ୟ ସରକାର ବଞ୍ଚିତ କରୁଥିବା ଦଳ ଅଭିଯୋଗ କରିଛି । ନାମାଙ୍କନ ଭରିବାରକୁ ଆଉ ଅଳ୍ପ ଦିନ ଥିବାବେଳେ ଏ ଯାଏଁ ତାଙ୍କର ଇସ୍ତଫା ପତ୍ରକୁ ସରକାର ଗ୍ରହଣ କରୁ ନାହାଁନ୍ତି । ଯାହାକୁ ନେଇ ଆଜି ଡା.ମୁର୍ମୁ ବିଜେପି ଉପସଭାପତି ସମୀର ମହାନ୍ତି ଓ ଲେଖାଶ୍ରୀ ମହାନ୍ତିଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ଫେରାଦ ଦେଇଛନ୍ତି ।ଉଲ୍ଲେଖନୀୟ, ଭୂଦାନଙ୍କ ଦୀର୍ଘ ୬ ମାସ ହେବ ନିଜ ପଦବୀରୁ ଇସ୍ତଫା ଦେଇଛନ୍ତି । ସେ ଅକ୍ଟୋବର ୪, ୨୦୧୮ରେ ଇସ୍ତଫା ଦେଇଛନ୍ତି। ଏଥିପାଇଁ ଆବଶ୍ୟକ କାଗଜପତ୍ର ମଧ୍ୟ ଦେଇଛନ୍ତି । ଏହା ସହିତ ଗତ ଜାନୁୟାରୀ ୧୬ରେ ଭିଜିଲାନ୍ସ କ୍ଲିଅରାନ୍ସ ମଧ୍ୟ ପ୍ରଦାନ କରିଛନ୍ତି । କିନ୍ତୁ ଏ ଯାଏଁ ତାଙ୍କର ଇସ୍ତଫା ପତ୍ର ଗ୍ରହଣ ହୋଇଛି କି ନାହିଁ ଜାଣିପାରୁ ନାହାଁନ୍ତି। ବାରମ୍ବାର କହିବା ପରେ ମଧ୍ୟ ତାଙ୍କୁ କୌଣସି ସୂଚନା ଦିଆଯାଉ ନାହିଁ । ସେପଟେ ତାଙ୍କୁ ବିଜେପି ସାରସକଣାର ପ୍ରାର୍ଥୀ ଘୋଷଣା କରିଛି । ନାମାଙ୍କନ ଦାଖଲ କରିବାକୁ ଆଉ ଅଳ୍ପ ଦିନ ବାକି ରହିଛି । ତେଣୁ ସେ ସମ୍ପୂର୍ଣ୍ଣ ରୂପେ ଭାଙ୍ଗି ପଡ଼ିଛନ୍ତି ବୋଲି ସେ କହିଛନ୍ତି ।
