ଭୁବନେଶ୍ୱର(ଓଡ଼ିଶା ୱେୟାର) : ଶେଷରେ ପଦ୍ମ ଧରିଲେ ବିଜେଡିର ଆଉ ଜଣେ ସଦସ୍ୟ ଓ ପୂର୍ବତନ ମନ୍ତ୍ରୀ ରଘୁନାଥ ମହାନ୍ତି । ସେ ବିଜେଡିର କାର୍ଯ୍ୟରେ ଅସନ୍ତୋଷ ପ୍ରକାଶ କରି ଇସ୍ତଫା ଦେଇଥିଲେ। ଆଜି ସେ ବିଜେପି କାର୍ଯ୍ୟଳୟକୁ ଯାଇ ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଦଳର ଜାତୀୟ ଉପସଭାପତି ବୈଜୟନ୍ତ ପଣ୍ଡାଙ୍କ ଉପସ୍ଥିତିରେ ସେ ଓ ତାଙ୍କ ସର୍ମଥକ ମାନେ ଯୋଗ ଦେଇଛନ୍ତି । ଆସନ୍ତା ନିର୍ବାଚନରେ ଶ୍ରୀମହାନ୍ତିଙ୍କୁ ଦଳ ବସ୍ତା ବିଧାନସଭା ଆସନରୁ ପ୍ରାର୍ଥୀ କରିବ ବୋଲି ଜଣାପଡିଛି ।
୨୦୧୪ରେ ପାରିବାରିକ ବିବାଦରେ ଫଶିଥିବାରୁ ଶ୍ରୀମହାନ୍ତିଙ୍କୁ ଦଳୀୟ ଟିକେଟରୁ ବଞ୍ଚିତ କରାଯାଇଥିଲା । ହେଲେ ସେ ଜଣେ ଶୃଙ୍ଖଳିତ ଓ ନିଷ୍ଠାପର କର୍ମୀଭାବେ ଦଳରେ ରହିଥିଲେ । ଇତିମଧ୍ୟରେ ତାଙ୍କର ପାରିବାରିକ ବିବାଦ ତୁଟି ଯାଇଥିବାରୁ ସେ ତାଙ୍କ ପୁରୁଣା ବିଧାନସଭା ଆସନରୁ ପ୍ରାର୍ଥୀ ହେବେ ବୋଲି ଆଶା ରଖିଥିଲେ । କିନ୍ତୁ ତାଙ୍କୁ ଦଳ ପ୍ରାର୍ଥୀ କରିବ ନାହିଁ ବୋଲି ଜଣିଲା ପରେ ଅସନ୍ତୋଷ ପ୍ରକାଶ କରି ସେ ଇସ୍ତଫା ଦେଇଥିଲେ । ସେତେବେଳେ ଜମା ପଡିଥିଲା ସେ ବିଜେପିରେ ସାମିଲ ହେବେ ।
