ଭୁବନେଶ୍ୱର : ରାଜ୍ୟ ସରକାରୀ କର୍ମଚାରୀଙ୍କୁ ୨% ଅଧିକ ମହଙ୍ଗା ଭତ୍ତା(ଡିଏ) ମିଳିବ । ୨୦୧୮ ଜାନୁୟାରୀ ପହିଲାରୁ ସରକାରୀ କର୍ମଚାରୀମାନେ ୫% ପରିବର୍ତ୍ତେ ୭ ପ୍ରତିଶତ ମହଙ୍ଗା ଭତ୍ତା ପାଇବେ । କର୍ମଚାରୀଙ୍କ ମହଙ୍ଗା ଭତ୍ତାକୁ ୭ ପ୍ରତିଶତ କରିବା ପାଇଁ ଅର୍ଥ ବିଭାଗ ପଠାଇଥିବା ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଅନୁମୋଦନ କରିଛନ୍ତି । ସେହିପରି ସଂଶୋଧିତ ହାରରେ ପେନ୍ସନ୍ ପାଉଥିବା ପେନ୍ସନ୍ଭୋଗୀଙ୍କୁ ମହଙ୍ଗା ଭତ୍ତାରେ ୨ ପ୍ରତିଶତ ବୃଦ୍ଧି ହୋଇଥିବାବେଳେ ପୁରୁଣା ହାରରେ ପେନ୍ସନ୍ ନେଉଥିବା କର୍ମଚାରୀଙ୍କୁ ୩ ପ୍ରତିଶତ ମହଙ୍ଗା ଭତ୍ତା ମିଳିବ । ଏନେଇ ରାଜ୍ୟ ସରକାରଙ୍କ ଉପରେ ଅତିରିକ୍ତ ୩୦୦କୋଟି ଟଙ୍କାର ବୋଝ ପଡ଼ିବ । ସପ୍ତମ ବେତନ କମିଶନ ସୁପାରିସ୍ ଲାଗୁ ହେବା ପରେ ଗତବର୍ଷ ନଭେମ୍ବର ମାସରେ ୧ ପ୍ରତିଶତ ମହଙ୍ଗା ଭତ୍ତା ଘୋଷଣା ହୋଇଥିଲା ।
