ନୂଆଦିଲ୍ଲୀ: ଦେଶରେ କୋରୋନା ଉପରେ ନିୟନ୍ତ୍ରଣ ଆଣିବାକୁ ଟିକାକରଣ ଜାରି ରହିଛି । ତେବେ ବର୍ତ୍ତମାନ ଦେଶରେ ପ୍ରମୁଖ ଦୁଇଟି ଟିକା କୋଭାକ୍ସିନ ଓ କୋଭିସିଲ୍ଡ ଟିକାର ମିକ୍ସଡ ଡୋଜର କ୍ଲିନିକାଲ ଟ୍ରାଏଲ ଓ ଗବେଷଣା ପାଇଁ ଡିସିଜିଆଇ ଅନୁମତି ପ୍ରଦାନ କରିଛି । ଏନେଇ ବିଶ୍ବସ୍ତ ସୂତ୍ରରୁ ସୂଚନା ମିଳିଥିବା ଜଣାପଡ଼ିଛି । କୁହାଯାଉଛି ଭେଲୋରର କ୍ରିଶ୍ଚିୟନ ମେଡିକାଲ କଲେଜରେ ଏହି କ୍ଲିନିକାଲ ଟ୍ରାଏଲ ଓ ଗବେଷଣା କରାଯିବ ।
ମିଳିଥିବା ସୂଚନା ମୁତାବକ ଗତମାସରେ ସେଣ୍ଟ୍ରାଲ ଡ୍ରଗ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନର ଏକ କମିଟି କୋଭାକ୍ସିନ ଓ କୋଭିସିଲ୍ଡର ଏକ ମିକ୍ସ ଡୋଜ ଉପରେ ଗବେଷଣା କରିବାକୁ ଅନୁମତି ଲୋଡ଼ିଥିଲେ । ସେହିପରି ଆଇସିଏମର ତରଫରୁ ମଧ୍ୟ ଦୁଇ ଭ୍ୟାକ୍ସିନର ମିକ୍ସଡ ଡୋଜ ପାଇଁ ଗବେଷଣା କରାଯାଇଥିଲା । ଏଥିରେ କୁହାଯାଇଥିଲା କି ଉଭୟ କୋଭାକ୍ସିନ ଓ କୋଭିସିଲ୍ଡର ମିଳିତ ଟିକା ସୁରକ୍ଷିତ ତଥା ଇମ୍ୟୁନିଟି ବୁଷ୍ଟର ଭଳି କାର୍ଯ୍ୟ କରିପାରେ । ତେବେ ଖୁରାକର ମିଶ୍ରଣର ଚିନ୍ତା ବଢାଇ ଦେଇଥିଲା । ଏପରି କ୍ଷେତ୍ରରେ ଯେଉଁ ଗବେଷଣା ଓ କ୍ଲିନିକାଲ ଟ୍ରାଏଲ ପାଇଁ ଅନୁମତି ଦିଆଯାଇଛି ତାହା ଆଇସିଏମଆର ଠାରୁ ସମ୍ପୂର୍ଣ୍ଣ ଭିନ୍ନ ରହିବ ।
ୃୃୃୃୃୃୃୃୃୃୃୃୃୃୃୃୃୃୃୃୃ
