ନୂଆଦିଲ୍ଳୀ: ବିବାଦରେ ଫସିଛନ୍ତି ବଲିଉଡର ଗ୍ଲାମରସ ଡିଭା ସନି ଲିଓନି । ‘ମଧୁବନ’ଗୀତ କୁ ନେଇ ବିବାଦ ଘେରରେ ଆସିଛନ୍ତି । ଡିସେମ୍ବର ୨୨ ରେ ରିଲିଜ ହୋଇଥିବା ‘ମଧୁବନ’ଗୀତ କୁ ନେଇ ଏବେ ଚର୍ଚ୍ଚାରେ ସନି ଲିଓନି। ଯାହାକୁ ନେଇ ମ୍ୟୁଜିକ୍ ଭିଡିଓ ଦେଖିବା ପରେ ତାଙ୍କୁ ସୋସିଆଲ ମିଡିଆରେ ଟ୍ରୋଲ୍ କରାଯାଉଛି । ଗୀତ ଜରିଆରେ ସନି ଲିଓନି ହିନ୍ଦୁଙ୍କ ଭାବନାକୁ ଆଘାତ ପହଞ୍ଚାଉଥିବା ଅଭିଯୋଗ ହୋଇଛି ।
ଗୀତ ରିଲିଜ୍ ହେବା ପରେ ସନି ଲିଓନି ଏକ ଟ୍ୱିଟ୍ କରି କହିଥିଲେ ଯେ କ’ଣ ଆପଣ ଏହି ଗୀତ ଦେଖି ସାରିଲେଣି । ଉତ୍ତରରେ ଲୋକେ ତାଙ୍କୁ ଟ୍ରୋଲ କରି କହିଥିଲେ ଏହା ଦ୍ୱାରା ହିନ୍ଦୁଙ୍କ ଭାବନାକୁ ଆଘାତ ପହଞ୍ଚିଛି । ଜଣେ ୟୁଜର କହିଛନ୍ତି ମଧୁବନ ଏକ ଶାନ୍ତିର ସ୍ଥାନ । ମଧୁବନରେ ରାଧା ଏମିତି ଡାନ୍ସ କରୁନଥିଲେ । ରାଧିକା ଡାନ୍ସର ନୁହେଁ ଭକ୍ତ ଥିଲେ । ୟୁଜର୍ସମାନେ ତାଙ୍କ ଗୀତକୁ ଅଶ୍ଳୀଳ ଭିଡିଓ କହି ଏହି ଭିଡିଓର ବୟକଟ କରିବା ନେଇ ଦାବି କରୁଛନ୍ତି।
