ନୂଆଦିଲ୍ଲୀ : ଆଫଗାନିସ୍ତାନକୁ ଅଧା କବଜା କଲା ତାଲିବାନ । ତାଲିବାନର ମିଶନ କାବୁଲ । କାବୁଲ କବଜା କରିବା ପାଇଁ ସବୁ ପ୍ରକାଶ ଷଡ଼ଯନ୍ତ୍ର ରଚିଛି ତାଲିବାନ । କ୍ଷୀପ୍ର ଗତିରେ ମାଡ଼ି ଚାଲିଛନ୍ତି ଆତଙ୍କୀ । ୩୪ ପ୍ରାଦେଶିକ ରାଜଧାନୀରୁ ୧୮ଟିକୁ ତାଲିବାନ କବଜା କରିସାରିଲାଣି । କାବୁଲ ଠାରୁ ଆଉ ମାତ୍ର ୫୦ କିଲୋମିଟର ଦୂର । ରାଜଧାନୀକୁ ଯୋଡୁଥିବା ପ୍ରମୁଖ ସଡ଼କପଥ କାବୁଲ-କାନ୍ଦାହାର ହାଇେଓ୍ଵୁକୁ ତାଲିବାନ ହାତକୁ ଯାଇ ସାରିଛି ।
ଅନ୍ୟପଟେ ସ୍ଥିତି ନେଇ ଆଜି ସାମ୍ବୋଧିତ କରିବେ ରାଷ୍ଟ୍ରପତି ଅସରଫ ଘନି । ସେପଟେ ଆଫଗାନିସ୍ତାନରେ ବଢ଼ୁଛି ତାଲିବାନ ଅତ୍ୟାଚାର । ହିଂସା ପରେ ଯୌନ ହିଂସା । ସାଧାରଣ ଲୋକଙ୍କ ରକ୍ତରେ ହୋଲି ଖେଳୁଥିବା ତାଲିବାନ ଏବେ ଭୟଙ୍କର ଯୌନ ହିଂସାରେ ଲିପ୍ତ । ଅବିବାହିତା ଯୁବତୀଙ୍କୁ ଜୋର ଜବରଦସ୍ତ ବିବାହ କରୁଛନ୍ତି ତାଲିବାନ ଆତଙ୍କୀ । ଘରକୁ ଘର ବୁଲି ଅବିବାହିତାଙ୍କ ତଲାସ କରାଯାଉଛି । ଏକ ନିର୍ଦ୍ଦିଷ୍ଟ ବୟସର ହୋଇଥିଲେ ଯୌନଦାସୀ କରିବାକୁ ବାଧ୍ୟ କରାଯାଉଛି ।
ତେବେ ଏହି ଖବରକୁ ଜୈବୁଲ୍ଲା ମୁଜାହିଦ ନାମକ ଜଣେ ତାଲିବାନୀ ମୁଖପାତ୍ର ଖଣ୍ଡନ କରିଛନ୍ତି । ଏହି ଖବରକୁ ସେ ମିଥ୍ୟା ବୋଲି କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ତାଲିବାନମାନେ ମହିଳାଙ୍କୁ ବିବାହ ପାଇଁ ବାଧ୍ୟ କରିବା ମୁସଲମାନ ନିୟମ ଓ ସଂସ୍କୃତି ବିରୋଧୀ। ପ୍ରକାଶଯୋଗ୍ୟ ଯେ ଗତ ୨୪ ଘଣ୍ଟା ମଧ୍ୟରେ ତାଲିବାନମାନେ ୬ ଟି ରାଜ୍ୟର ରାଜଧାନୀକୁ ନିଜ ଦଖଲକୁ ଆଣିବାରେ ସଫଳ ହୋଇଛନ୍ତି । ଏପର୍ୟ୍ୟନ୍ତ ତାଲି ବାନମାନେ ୧୮ ଟି ସହରକୁ ନିଜ ଅକ୍ତିଆରକୁ ନେଇଥିବା ଓ୍ଵାଲ ଷ୍ଟ୍ରିଟ ଜର୍ଣ୍ଣାଲରେ ପ୍ରକାଶ ପାଇଛି ।
