ଭୁବନେଶ୍ବର(ଓଡ଼ିଶା ୱେୟାର):ପରିବହନ ବିଭାଗର ନିଆରା ସଚେତନତା । ସେ ପୁଷ୍ପା ହେଉ କି ପୁଷ୍ପରାଜ । ଯଦି ହେଲମେଟ୍ ନ ପିନ୍ଧିବ, ପୋଲିସ ସାମ୍ନାରେ ଅଟକିବ । ଚାଲାଣ ସମସ୍ତଙ୍କର କଟିବ । ଏଭଳି ମର୍ମରେ ରାଜ୍ୟ ପରିବହନ କର୍ତ୍ତୃପକ୍ଷ ଲୋକଙ୍କୁ ଟ୍ରାଫିକ ସଚେତନତା ବାର୍ତ୍ତା ଦେଇଛି । ଯାହାକି ଟ୍ଵିଟ୍ରରେ ଟ୍ରେଣ୍ଡିଂ କରୁଛି । ବିନା ହେଲମେଟରେ ଚାଲାଣ ସମସ୍ତଙ୍କର କଟିବ । ଏଥିରେ ସାଉଥ୍ ସିନେମାର ଷ୍ଟାଇଲିସ୍ ଷ୍ଟାର ଅଲୁ ଅର୍ଜୁନଙ୍କ ଫଟୋଚିତ୍ର ରହିଛି । ଯେଉଁଥିରେ ଅଲ୍ଲୁ ପୁଷ୍ପା ଚରିତ୍ରର ବେଶଭୁଷାରେ ଏକ ବାଇକରେ ବସିଛନ୍ତି । କିନ୍ତୁ ବିନା ହେଲମେଟରେ ଅଛନ୍ତି ଅଲ୍ଲୁ । ଯାହାକୁ ଚିତ୍ରଣ କରି ଏସଟିଏ ଅମାନିଆ ଗାଡ଼ି ଚାଳକଙ୍କୁ ଚେତାଇଛି । ବିନା ହେଲମେଟରେ ଗାଡ଼ି ଚଳଇ ନିଜ ଜୀବନକୁ ବିପଦରେ ନ ପକାଇବାକୁ ଏସଟିଏ ନିବେଦନ କରିଛି ।
