ମୁମ୍ବାଇ: ଗୁପ୍ତ ଭାବେ ହାତକୁ ଦି ହାତ ହୋଇଛନ୍ତି ଅଭିନେତ୍ରୀ ଅଙ୍ଗିରା ଧର।
ଲକଡାଉନ୍ ଭିତରେ ଅଙ୍ଗିରାଙ୍କ ପାଇଁ ଖୁସିର ଅନ୍ଲକ୍ ହୋଇଛି। ସେ ନିର୍ଦ୍ଦେଶକ ଆନନ୍ଦ ତିୱାରୀଙ୍କ ସହ ସିକ୍ରେଟ ବିବାହ କରିଛନ୍ତି। ତାଙ୍କର ଏହି ସିକ୍ରେଟ୍ ଏବେ ପ୍ରଶଂସକଙ୍କୁ ସରପ୍ରାଇଜ ଦେଇଛି। ଅଙ୍ଗିରା ତାଙ୍କ ବିବାହର ଦୁଇଟି ଫଟୋକୁ ନିଜ ଇନ୍ଷ୍ଟାଗ୍ରାମରେ ସେଆର କରିଛନ୍ତି।
ନିର୍ଦ୍ଦେଶକ ଆନନ୍ଦ ତିୱାରୀଙ୍କ ସହ ତାଙ୍କ ବିବାହ ଫଟୋ ସେୟାର କରି ଅଙ୍ଗିରା କହିଛନ୍ତି ଯେ ଦୁହେଁ ୩୦ ଏପ୍ରିଲରେ ବିବାହ କରିଥିଲେ। ଅଙ୍ଗିରା ଧର ଏବଂ ଆନନ୍ଦ ତିୱାରୀଙ୍କ ବିବାହ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ଅଙ୍ଗିରା ସୋସିଆଲ ମିଡିଆରେ ଦୁଇଟି ଫଟୋ ସେୟାର କରିଛନ୍ତି। ପ୍ରଥମ ଫଟୋ ସେୟାର କରି ଅଙ୍ଗିରା କ୍ୟାପସନରେ ଲେଖିଛନ୍ତି, ‘ମେ ୩୦ ରେ ଆନନ୍ଦ ଏବଂ ମୁଁ ଆମର ବନ୍ଧୁତାକୁ ପରିବାର ସଦସ୍ୟ ଏବଂ ବିଶେଷ ବନ୍ଧୁମାନଙ୍କ ଉପସ୍ଥିତିରେ ବିବାହରେ ପରିଣତ କରିଥିଲୁ। ଜୀବନ ଆମ ଚାରିପାଖରେ ଧୀରେ ଧୀରେ ଅନଲକ୍ ହେଉଛି, ତେଣୁ ଆମେ ମଧ୍ୟ ଆମର ଖୁସିକୁ ଆପଣଙ୍କ ସହିତ ଅନଲକ୍ କରୁଛୁ।‘
ଦ୍ୱିତୀୟ ଫଟୋ ସେୟାର୍ କରି ଅଙ୍ଗିରା କ୍ୟାପସନରେ ଏକ ହାର୍ଟ ଇମୋଜି କରିଛନ୍ତି। ଫ୍ୟାନ୍ସମାନେ ଅଙ୍ଗିରା ଏବଂ ଆନନ୍ଦଙ୍କ ଉଭୟ ଫଟୋକୁ ବହୁତ ପସନ୍ଦ କରୁଛନ୍ତି। ମଥାରେ ସିନ୍ଥି ଆଉ ଲାଲ ଶାଢ଼ୀରେ ଅଙ୍ଗିରା ଧର ଏବଂ ଶେରୱାନୀରେ ଆନନ୍ଦ ତିୱାରୀ ଖୁବ୍ ସୁନ୍ଦର ଦେଖାଯାଉଛନ୍ତି।
