ଆମ୍ବ ବ୍ୟତୀତ ଏହାର ପତ୍ର ମଧ୍ୟ ଆମ ଶରୀର ପାଇଁ ଅନେକ ଉପାୟରେ ଉପକାରୀ ବୋଲି କୁହାଯାଏ । ଆମ୍ବ ପତ୍ରର ଏପରି ଅନେକ ଗୁଣ ଅଛି, ଯାହା କେବଳ ସ୍ୱାସ୍ଥ୍ୟ ପାଇଁ ନୁହେଁ ବରଂ ଚର୍ମ ଏବଂ କେଶ ପାଇଁ ମଧ୍ୟ ଲାଭଦାୟକ ହୋଇଥାଏ ।
କୁହାଯାଏ କି ଆମ୍ବ ପତ୍ରରେ ଭିଟାମିନ୍- ସି, ଭିଟାମିନ୍ -ଏ ଏବଂ ଭିଟାମିନ୍ -ବି ପରି ଅନେକ ପୋଷକ ତତ୍ତ୍ୱ ରହିଥାଏ । ଏହି ପତ୍ରଗୁଡ଼ିକର ବିଶେଷତ୍ୱ ହେଉଛି କେଶ ଝଡ଼ିବାଠାରୁ ଚର୍ମ ସମ୍ବନ୍ଧୀୟ ସମସ୍ୟା ପର୍ଯ୍ୟନ୍ତ ଏହି ସବୁକୁ ଦୂର କରିଥାଏ । ଆମ୍ବ ପତ୍ର ଚର୍ମ ଏବଂ କେଶ ପାଇଁ ଅନେକ ଉପାୟରେ ବ୍ୟବହାର କରାଯାଇପାରେ । ତେବେ ଚାଲନ୍ତୁ ଜାଣିବା ଏହାକୁ କିପରି ବ୍ୟବହାର କରାଯାଇପାରିବ
କେଶ- ଆମ୍ବ ପତ୍ରରେ ଭିଟାମିନ୍ -ଏ ଏବଂ ଭିଟାମିନ୍ -ସି ପ୍ରଚୁର ପରିମାଣରେ ଥାଏ । ଯଦି ଏହାକୁ ସଠିକ୍ ଭାବରେ ବ୍ୟବହାର କରାଯାଏ, ତେବେ କେଶର ବୃଦ୍ଧି ହେବ । ଏଥିପାଇଁ ଆମ୍ବ ପତ୍ରକୁ ଗ୍ରାଇଣ୍ଡ୍ କରି ପେଷ୍ଟ ବନାନ୍ତୁ । ଏହାକୁ ଚୁଟିରେ ଏବଂ ସ୍କାଲପ୍ ରେ ଲଗାନ୍ତୁ। ଏହାକୁ ପ୍ରାୟ ୧୫ ମିନିଟ୍ ପରେ ସାମ୍ପୁ ସହିତ ଧୋଇ ଦିଅନ୍ତୁ। ଏହା ଲଗାଇବା ଦ୍ବାରା କେଶର ରଙ୍ଗ ଉନ୍ନତ ହୁଏ ଏବଂ ଚୁଟି ମୁଳକୁ ମଧ୍ୟ ମଜବୁତ କରିଥାଏ ।
ଚର୍ମର ପୋଡିବା ଏବଂ ଶୁଷ୍କତା- ଆମ୍ବ ପତ୍ରର ବହୁତ ପ୍ରକାରର ବିଶେଷତ୍ୱ ରହିଛି ଚର୍ମର ଶୁଷ୍କତା ବ୍ୟତୀତ ପୋଡା ଜଳା କିମ୍ବା କୁଣ୍ଡାଇ ହେବା ମଧ୍ୟ ଦୂର ହୋଇଥାଏ । ଏଥିପାଇଁ ଆମ୍ବ ପତ୍ର ଜାଳିବାକୁ ପଡିବ । ପତ୍ର ଜାଳିବା ପରେ ପ୍ରଭାବିତ ସ୍ଥାନରେ ସେମାନଙ୍କ ପାଉଁଶ ଲଗାନ୍ତୁ । ଜଳାପୋଡା ହେଉଥିବାକୁ ଆରାମ ଦେବ ଏବଂ ଶୁଷ୍କତା ମଧ୍ୟ ଦୂର ହୋଇଯିବ ।
ଫେସ୍ ମାସ୍କ- ଯଦି ଆପଣ ଚାହାଁନ୍ତି, ଆପଣ ତାଜା ଆମ୍ବ ପତ୍ରର ଏକ ଫେସ୍ ମାସ୍କ ମଧ୍ୟ ତିଆରି କରିପାରିବେ । ଏଥିପାଇଁ ୪ରୁ ୫ ଆମ୍ବ ପତ୍ର ନିଅନ୍ତୁ ଏବଂ ଏହାକୁ ଗ୍ରାଇଣ୍ଡ କରିବା ପରେ ସେଥିରେ ଏକ ଚାମଚ ମହୁ ମିଶାନ୍ତୁ । ବର୍ତ୍ତମାନ ସେହି ପେଷ୍ଟକୁ ମୁହଁରେ ଲଗାନ୍ତୁ ଏବଂ କିଛି ସମୟ ପରେ ଥଣ୍ଡା ପାଣିରେ ମୁହଁକୁ ଧୋଇ ଦିଅନ୍ତୁ। ସପ୍ତାହରେ ଦୁଇଥର ଏହାକୁ ମୁହଁରେ ଲଗାନ୍ତୁ ।
