ଆମେ ସମସ୍ତେ ଜାଣୁ ଯେ ବଜାରରେ ଏପରି ଅନେକ ସୌନ୍ଦର୍ଯ୍ୟକରଣ ଦ୍ରବ୍ୟ ଅଛି ଯାହା ଚର୍ମର ସୁନ୍ଦରତାକୁ ବଜାଇ ରଖିବାରେ ଦାବି କରେ କିନ୍ତୁ ଯଦି ଆପଣଙ୍କ ରୋଷେଇ ଘରେ ଏପରି ଜିନିଷ ଉପସ୍ଥିତ ଥାଏ ତେବେ ଆପଣ କାହିଁକି ବଜାର ଦ୍ରବ୍ୟରେ ଟଙ୍କା ଖର୍ଚ୍ଚ କରୁଛନ୍ତି। ତେବେ ନିମ୍ନରେ କେତେକ ଫେସ୍ ପ୍ୟାକ୍ ଦିଆଗଲା ଯାହା ଲୋମ ଛିଦ୍ରକୁ କମ୍ କରିବା ସହିତ ଚେହେରାକୁ ଆକର୍ଷଣୀୟ କରିବ ।
ମହୁ ଲେମ୍ବୁ- ଗୋଟିଏ ଚାମଚ ମହୁରେ ଅଧା ଚାମଚ ଲେମ୍ବୁ ରସ ଓ ଗୋଟିଏ ଚିମୁଟା ଚିନି ମିଶାଇ ସେହି ମିଶ୍ରଣକୁ ମୁହିଁରେ ମାଲିସ କରି ୫ ମିନିଟ ଛାଡିଦିଅନ୍ତୁ । ପରେ ଅଳ୍ପ ଉଷୁମ ପାଣିରେ ମୁହଁ ଧୋଇବାକୁ ହେବ । ମୁହଁ ଧୋଇବା ପରେ କେବେବି ମୁହଁକୁ ଜୋର ଦେଇ ଘଷନ୍ତୁ ନାହାଁନ୍ତି । ସପ୍ତାହରେ ୨-୩ ଥର ଏହିପରି କରିବା ଦ୍ୱାରା ଲୋମ ଛିଦ୍ର ଗୁୁଡିକ ଛୋଟ ହୋଇଯିବ ।
ବେସନ ଓ ଦହି- ଦୁଇ ଚାମଚ ଦହିରେ ଗୋଟିଏ ଚାମଚ ବେସନ ମିଶାଇ ଏହାକୁ ଭଲ ଭାବରେ ଫେଣ୍ଟି ଦିଅନ୍ତୁ । ଏହି ଫେସ୍ ପ୍ୟାକକୁ ୧୫-୨୦ ମିନିଟ ଯାଏଁ ଲଗାଇରଖନ୍ତୁ । ପରେ ଏହାକୁ ନଖ ଉଷୁମ ପାଣିରେ ଧୋଇ ଦିଅନ୍ତୁ । ସପ୍ତାହକୁ ଅନ୍ତତଃ ୨-୩ଥର ଏପରି କଲେ ମୁହଁରେ ଖରାପ ଦେଖାଯାଉଥିବା ପୋର୍ସ ଗୁଡିକ ବନ୍ଦ ହାିଯିବା ସହ ମୁହଁରେ ଚମକ ଆସିବ ।
ଦହି- ଦହିରେ ଲାକ୍ଟିକ୍ ଏସିଡ୍ ଏବଂ ପ୍ରୋବାୟୋଟିକ୍ ବ୍ୟାକ୍ଟେରିଆ ଥାଏ ଯାହା ଚର୍ମର ଖାଲକୁ ବନ୍ଦ କରିବାରେ ସାହାଯ୍ୟ କରିଥାଏ । ମୁଁହର କେବଳ ଦହିର ଏକ ପତଳା ସ୍ତର ଲଗାଇ ୧୦ ମିନିଟ୍ ପାଇଁ ଛାଡିଦିଅନ୍ତୁ। ପରେ ଏହାକୁ ଥଣ୍ଡା ପାଣିରେ ସଫା କରନ୍ତୁ । ସପ୍ତାହରେ ଦୁଇଥର ମୁହଁରେ ଦହି ଲଗାଇଲେ ଏହି ସମସ୍ୟାର ସମାଧାନ ହେବ । ଦହି ଲଗାଇ ମୁହଁର ଫ୍ରେକ୍ଲେସ୍ ମଧ୍ୟ ଅପସାରଣ ହୋଇଥାଏ ।
ଓଟ୍ସ ଫେସ୍ ପ୍ୟାକ୍- ୩ ଚାମଚ ଓଟ୍ସ, ୧ ଚାମଚ ଲେମ୍ବୁ, ରସ, ଅଧ ଚାମଚ ମହୁ, ସହିତ ସେଥିରେ ଗୋଲାପ ଜଳ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ । ଏହି ପ୍ୟାକକୁ ୧୫ ମିନିଟ ଯାଏଁ ମୁହଁରେ ଲଗାଇ ରଖନ୍ତୁ । ସପ୍ତାହରେ ମାତ୍ର ଥରେ ଏହି ପ୍ୟାକର ବ୍ୟବହାର କରିବା ଉଚିତ । ଏହି ପ୍ୟାକ୍ ଲୋମ ଛିଦ୍ରକୁ କମ କରିବା ସହ ସ୍କିନ୍ କ୍ଲିଞ୍ଜିଂ କରିବାରେ ମୁଖ୍ୟ ଭୂମିକା ଗ୍ରହଣ କରେ ।
ବେକିଂ ଓ ପାଣି – ବେକିଂ ସୋଡାରେ ଆଣ୍ଟିବ୍ୟାକ୍ଟେରିଆଲ୍ ଗୁଣ ଅଛି ଯାହା ବ୍ରଣକୁ ହ୍ରାସ କରିବାରେ ସାହାଯ୍ୟ କରେ । କେବଳ ଏତିକି ନୁହେଁ, ଏହି କାରଣରୁ ଚର୍ମର ଖାଲ ମଧ୍ୟ ଛୋଟ ହୋଇଥାଏ । ଏକ ପେଷ୍ଟ ତିଆରି କରିବା ପାଇଁ ୨ ଚାମଚ ବେକିଂ ସୋଡା ଏବଂ ୨ ଚାମଚ ପାଣି ମିଶାନ୍ତୁ । ମନେରଖନ୍ତୁ ପାଣି ଟିକେ ଗରମ ହେବା ଉଚିତ୍ । ଏହି ପେଷ୍ଟକୁ ମୁହଁରେ ଲଗାନ୍ତୁ ଏବଂ ଏହାକୁ ହାଲୁକା ହାତରେ ଘଷନ୍ତୁ ଏବଂ ଏହାକୁ ୩୦ ମିନିଟ୍ ପାଇଁ ମୁହଁରେ ଛାଡିଦିଅନ୍ତୁ । ତା’ପରେ ଥଣ୍ଡା ପାଣିରେ ଧୋଇ ଦିଅନ୍ତୁ | ସପ୍ତାହରେ ୩ ରୁ ୪ ଥର ଏହି ପ୍ରତିକାର କରନ୍ତୁ ।
ହଳଦୀ ଓ ଗୋଲାପ ଜଳ – ଖାଲରେ ଲୁଚି ରହିଥିବା ଜୀବାଣୁକୁ ମାରିବା ଏବଂ ଖୋଲା ଖାଲକୁ ବନ୍ଦ କରିବାରେ କଦଳୀ ବହୁତ ସାହାଯ୍ୟ କରିଥାଏ । ୧ ଚାମଚ କଦଳୀ ଏବଂ ୧ ଚାମଚ ଗୋଲାପ ଜଳ କିମ୍ବା କ୍ଷୀର ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ ଏବଂ ମୁହଁରେ ଲଗାନ୍ତୁ । ୧୦ ମିନିଟ୍ ପରେ ଥଣ୍ଡା ପାଣିରେ ମୁହଁ ଧୋଇ ଦିଅନ୍ତୁ । ଏହି ପ୍ରତିକାରକୁ ପ୍ରତ୍ୟେକ ଦିନ କରିବାକୁ ପଡିବ।
