କାନପୁର: ଟି-୨୦ ସିରିଜରେ କିୱିମାନଙ୍କୁ ପରାସ୍ତ କରିବା ପରେ ଗୁରୁବାର ଦିନ କାନପୁରରେ ଆରମ୍ଭ ହୋଇଥିବା ଦୁଇ ଟେଷ୍ଟ ସିରିଜର ପ୍ରଥମ ମ୍ୟାଚର ପ୍ରଥମ ଦିନ ଶେଷରେ ଟିମ୍ ଇଣ୍ଡିଆ ନ୍ୟୁଜିଲ୍ୟାଣ୍ଡ ବିପକ୍ଷରେ ୪ ୱିକେଟ୍ ହରେଇ ୨୫୮ କରିଛି । ପ୍ରଥମ ଦିନରେ ସହଜ ପିଚରେ ଭାରତର ଆରମ୍ଭ ବହୁତ ଭଲ ନଥିଲା ଏବଂ ଓପନର୍ ମାୟାନକ ଅଗ୍ରୱାଲ (୧୩) ଶୀଘ୍ର ୱିକେଟ୍ ହରେଇଥିଲେ। । ଦ୍ୱିତୀୟ ଓପନର୍ ଶୁଭମାନ ଗିଲ (୫୨), ପୂଜାରା (୨୬) ଏବଂ ଅଧିନାୟକ ରାହାନେ (୩୫) ରନ୍ ସଂଗ୍ରହ କରିଥିଲେ। ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଶ୍ରେୟସ୍ ଆୟର ତାଙ୍କ କ୍ୟାରିଅର୍ ଆରମ୍ଭ କରିବାକୁ ଯାଉଛନ୍ତି । ଏବଂ ବିରାଟ ଏବଂ ରୋହିତଙ୍କ ଅନୁପସ୍ଥିତିରେ ଅଜିଙ୍କ୍ୟ ରାହାନେ ଦୀର୍ଘ ସମୟ ପରେ ଅଧିନାୟକ ଭାର ଗ୍ରହଣ କରୁଛନ୍ତି। ରଥମ ଦିନରେ ଟେଷ୍ଟ ଡେବ୍ୟୁ କରିଥିବା ଶ୍ରେୟାସ ଆୟର ୭୫ ରେ ଅପରାଜିତ ଏବଂ ରବିନ୍ଦ୍ର ଜାଡେଜା ୫୦ ରେ ଅପରାଜିତ ଅଛନ୍ତି। ନ୍ୟୁଜିଲ୍ୟାଣ୍ଡ ପକ୍ଷରୁ ଯେମିଶନ ୩ଟି ୱିକେଟ୍ ନେଇଥିବାବେଳେ ଟିମ ସାଉଥି ୧ ୱିକେଟ୍ ପାଇଛନ୍ତି ।
ଭାରତ: ୧. ଅଜିଙ୍କ୍ୟ ରାହାନେ (କ୍ୟାପଟେନ) ୨. ଶୁଭମାନ ଗିଲ ୩. ମାୟାନକ ଅଗ୍ରୱାଲ ୪. ଚେତେଶ୍ୱର ପୂଜାରା ୫. ଶ୍ରେୟାସ ଆୟର ୬. ରିଦ୍ଧିମାନ ସାହା (ଡବ୍ଲୁ) ୭. ରବିନ୍ଦ୍ର ଜାଡେଜା ୮. ଆକ୍ସର ପଟେଲ ୯. ରବିଚନ୍ଦ୍ରନ ଅଶ୍ୱିନ ୧୦. ଇଶାନ୍ତ ଶର୍ମା ୧୧ ଉମେଶ ଯାଦବ
