ରିଲିଜ ହେବା ପୂର୍ବରୁ ରଣବୀର ସିଂ ଏବଂ ଦୀପିକା ପାଦୁକୋନଙ୍କ ଫିଲ୍ମ ‘୮୩’ ବିବାଦରେ ଫସିଛି। ଫିଲ୍ମ ‘୮୩’ର ଫିଲ୍ମମେକର୍ସଙ୍କ ବିରୋଧରେ ଷଡଯନ୍ତ୍ର କରିବା ନେଇ କୋର୍ଟରେ ମାମଲା ଦାଏର କରିଛି ୟୁଏଇର ଏକ ଫାଇନାନ୍ସର କମ୍ପାନୀ ମୁମ୍ବାଇ ମେଟ୍ରୋପଲିଟନ । ଯେଉଁଥିରେ ଦୀପିକା ପାଦୁକୋନଙ୍କ ନାମ ମଧ୍ୟ ସାମିଲ ରହିଛି। ଫିଲ୍ମର ନିର୍ମାତାଙ୍କ ବିରୋଧରେ କେସ୍ ହୋଇଛି।
ଏହି ଅଭିଯୋଗରେ ସାଜିଦ ନାଡିଆଡବାଲା, କବୀର ଖାନ, ଫ୍ୟାଣ୍ଟମ ଫିଲ୍ମସ ଏବଂ ଅନ୍ୟ ଚାରି ଜଣଙ୍କ ନାମ ସାମିଲ ରହିଛି। ଦୀପିକା ମଧ୍ୟ ଏହି ଫିଲ୍ମ ପ୍ରଯୋଜକ ମଧ୍ୟରେ ଅନ୍ୟତମ।FZE ପକ୍ଷରୁ ଅଭିଯୋଗରେ କୁହାଯାଇଛି ଯେ, ବିଭ୍ରି ମିଡିଆ ସହିତ ଫିଲ୍ମର ଇନଭେଷ୍ଟମେଣ୍ଟକୁ ନେଇ କଥାବାର୍ତ୍ତା ହୋଇଥିଲା। ଏହି ସମୟରେ ଭଲ ରିଟର୍ନ ମିଳିବ ବୋଲି ବିଭ୍ରି ମିଡିଆ ଦାବି କରିଥିଲା। ଆଉ ଏଥିପାଇଁ ୧୬ କୋଟି ଟଙ୍କା ଇନଭେଷ୍ଟମେଣ୍ଟ ହୋତିଲା। କିନ୍ତୁ ଫିଲ୍ମ ମେକର୍ସ ଫିଲ୍ମର ରାଇଟସକୁ ନେଇ ବିଶ୍ୱାସଘାତକତା କଲେ। ଆଉ FZE ଦ୍ୱାରା ଦିଆଯାଇଥିବା ପଇସାକୁ ଫିଲ୍ମର ପ୍ରମୋସନ ପାଇଁ ଖର୍ଚ୍ଚ କରାଯାଇଥିଲା, ଯାହା ପାଇଁ ମେକର୍ସ ସେମାନଙ୍କ ଠାରୁ ସହମତି ନେଇନଥିଲେ।
ସୂଚନାଯୋଗ୍ୟ, ଫିଲ୍ମ ‘୮୩’ରେ ପୂର୍ବତନ କ୍ରିକେଟର କପିଲ ଦେବଙ୍କ ଭୂମିକାରେ ନଜର ଆସିବେ ରଣବୀର ସିଂ । ଦୀପିକା ପାଦୁକୋନ ପତ୍ନୀ ଭୂମିକାରେ ନଜର ଆସିବେ। ଏହାର ନିର୍ଦ୍ଦେଶନା କବୀର ଖାନ କରିଛନ୍ତି। ଫିଲ୍ମଟି ୧୯୮୩ରେ ଇଣ୍ଡିଆନ କ୍ରିକେଟ ଟିମ୍ ଓ୍ଵାଲର୍ଡ କପ୍ ଜିତିବା କାହାଣୀ ପ୍ରଦର୍ଶିତ କରାଯିବ। ଫିଲ୍ମଟି ୨୪ ଡିସେମ୍ବରରେ ରିଲିଜ ହେବ।
