ନୂଆଦିଲ୍ଲୀ : ରୋହିତଙ୍କ ସହ ଖରାପ ସମ୍ପର୍କ ନେଇ ମୁହଁ ଖୋଲିଲେ ବିରାଟ କୋହଲି । ଲାଗିରହିଥିବା ବିବାଦ ଭିତରେ ନିଜର ମୁହଁ ଖୋଲିଛନ୍ତି ବିରାଟ । ସାଉଥ ଆଫ୍ରିକା ଗସ୍ତ ପୂର୍ବରୁ ଟେଷ୍ଟ ଦଳର ଅଧିନାୟକ ବିରାଟ କୋହଲି ସାମ୍ବାଦିକ ସମ୍ମିଳନୀ କରିଛନ୍ତି । ରୋହିତ ଶର୍ମାଙ୍କ ସହ ମତଭେଦ ଖବର ନେଇ ବିରାଟ କୋହଲି କହିଛନ୍ତି ଯେ କହି କହି ଥକି ଗଲିଣି । ଆମ ଭିତରେ ସେମିତି କିଛି ବିବାଦ ନାହିଁ । ଆମ ଭିତରେ ସମ୍ପର୍କ ଠିକ୍ ଅଛି ।
ସାମ୍ବାଦିକ ସମ୍ମିଳନୀରେ ବିରାଟ କହିଛନ୍ତି ରୋହିତଙ୍କ ମଧ୍ୟରେ କୌଣସି ବିବାଦ ନାହିଁ । ମୁଁ ଅଢେଇ ବର୍ଷ ଧରି ଏହା କହିଆସୁଛି, ଯେ ଆମ ମଧ୍ୟରେ କିଛି ନାହିଁ । ବିରାଟ କୋହଲି କହିଛନ୍ତି ଯେ ବର୍ତ୍ତମାନ ମୁଁ ସ୍ପଷ୍ଟୀକରଣ ଦେବାରେ ଥକି ଯାଇଛି । ବିରାଟ କହିଛନ୍ତି ଯେ ପର୍ଯ୍ୟନ୍ତ ମୁଁ କ୍ରିକେଟ ଖେଳୁଥିବି ସେ ଯାଏଁ ମୋର କୌଣସି କାର୍ଯ୍ୟ କିମ୍ବା କମେଣ୍ଟ ଦଳକୁ ତଳେ ପକାଇବ ନାହିଁ ।
