ଅହମଦାବାଦ: ଗୁଜୁରାଟର ଆମ୍ରୋଲିରେ ସୋମବାର ସକାଳ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୮ ଜଣ ଶ୍ରମିକଙ୍କ ମୃତ୍ୟୁ ହୋଇଯାଇଛି । ଫୁଟପାଥରେ ଶୋଇଥିବା କିଛି ଶ୍ରମିକଙ୍କ ଉପରେ ଦ୍ରୁତ ବେଗରେ ଆସୁଥିବା ଏକ ଟ୍ରକ ଚଢିଯାଇଥିଲା । ଫଳରେ ୧୦ ରୁ ଅଧିକ ଗୁରୁତର ହୋଇପଡ଼ିଥିବା ବେଳେ ୮ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା । ତେବେ ଗୁରୁତରଙ୍କୁ ଉଦ୍ଧାର କରି ପୋଲିସ ଡାକ୍ତରଖାନାରେ ଭର୍ତ୍ତି କରିଛି ।
ସେପଟେ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଗାଡ଼ି ଚାଳକଙ୍କୁ ଗିରଫ କରି ପୋଲିସ । ଗିରଫ କରିବା ପରେ ତାକୁ ପଚରାଉଚୁରା କରୁଥିବା ଜଣାପଡ଼ିଛି । ଚାଳକ ମଦ ପିଇ ଗାଡ଼ି ଚଳାଉଥିବା ନେଇ ପୁଲିସ ସନ୍ଦେହ କରିଛି । ଅମରେଲି ପୁଲିସ ଅଧିକ୍ଷକ ନିର୍ଲିପ୍ତ ରାୟ କହିଛନ୍ତି କି ମୃତକଙ୍କ ମଧ୍ୟରେ ଦୁଇ ଜଣ ଶିଶୁ ରହିଛନ୍ତି । ସେମାନଙ୍କ ବୟସ ୮ ଓ ୧୩ ବର୍ଷ ବୟସ । ସେହିପରି ଗୁରୁତରଙ୍କ ମଧ୍ୟରେ ୨ ଜଣ ଶିଶୁ ମଧ୍ୟ ରହିଛନ୍ତି ।
