ରାଉରକେଲା (ଓଡ଼ିଶା ୱେୟାର):ରାଉରକେଲା ପୋଲିସର ଏନକାଉଣ୍ଟର। ପୋଲିସ ଗୁଳିରେ ୨ କୁଖ୍ୟାତ ଅପରାଧୀ ଆହତ । ବିଶ୍ରା ଥାନା ନୂଆଗାଁ ମଣ୍ଡପ ନିକଟରେ ଚକମା ଦେଇ ଘଟଣା ସ୍ଥଳରୁ ପଳେଇବାକୁ ଚେଷ୍ଟା କଲାବେଳେ ପୋଲିସ କରିଥିଲା ଗୁଳି ଚାଳନା। ୨ ଅପରାଧୀ ମୁସ୍ତାକ ଆଲାମ ଓ ଏମ୍ ଡି ଗୁଡ୍ଡର ଗୋଡ଼ରେ ଗୁଳି ବାଜିଛି। ଉଭୟଙ୍କୁ ଚିକିତ୍ସା ପାଇଁ ଇସ୍ପାତ ଜେନେରାଲ ହସପିଟାଲରେ ଭର୍ତ୍ତି କରାଯାଇଛି।
ସୂଚନା ଥାଉକି ବର୍ତ୍ତମାନ ଅପରାଧିଙ୍କୁ ଦମନ କରିବା ପାଇଁ କଡ଼ା ସୁରକ୍ଷା ବ୍ଯବସ୍ଥା ଗ୍ରହଣ କରାଯାଉଛି। କରୋନା କଟକଣା ଭିତରେ ଗଳିକନ୍ଦି ଭିତରେ ଅପରାଧିମାନେ ନିଜର ସାମ୍ରାଜ୍ଯ ବଢାଇଚାଲିଛନ୍ତି । ବର୍ତ୍ତମାନ ପାର୍ବଣ ଚାଲିଥିବାରୁ ଶାନ୍ତି ଶୃଙ୍ଖଳାରେ ଏହାକୁ ଶେଷ କରିବା ପାଇଁ ବିଭିନ୍ନ କଟକଣା ଲାଗୁ କରାଯାଇଛି। ଟ୍ବିନ୍ ସିଟିରେ ରାତି ୮ଟାରୁ ସକାଳ ୫ଟା ଯାଏ ଜାରି ରହିବ ନାଇଟ କର୍ଫ୍ୟୁ ଜାରି କରାଯାଇଛି। କଟକରେ ମୁତୟନ ହେଇଛନ୍ତି ୩୨ ପ୍ଲାଟୁନ ଫୋର୍ସ ।
ଏହାଭିତରେ ରାଉରକେଲା ପୋଲିସକୁ ଏକ ବଡ ସଫଳତା ମିଳିଛି। ୨ କୁଖ୍ୟାତ ଅପରାଧୀଙ୍କୁ କାବୁ କରିବାରେ ସଫଳ ହୋଇଛି ରାଉରକେଲା ପୋଲିସ୍। ତେବେ ଆଗକୁ ଅପରାଧିଙ୍କୁ ଦମନ କରିବା ପାଇଁ ଆହୁରୀ କଡ଼ା ପଦକ୍ଷପ ଗ୍ରହଣ କରାଯିବ ବୋଲି ରାଉରକେଲା ପୋଲିସ୍ ପକ୍ଷରୁ ସୂଚନା ଦିଆଯାଇଛି।
