ଭୋପାଳ: ମଧ୍ୟପ୍ରଦେଶର ଗ୍ବାଲିୟର ଜିଲ୍ଲାରେ ଶନିବାର ଏକ ମର୍ମନ୍ତୁଦ ଦୁର୍ଘଟଣା ଘଟି ୩ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଆସନ୍ତା ସ୍ବାଧୀନତା ଦିବସ ଉପଲକ୍ଷେ ଜାତୀୟ ପତାକା ଲଗାଯାଉଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ଘଟଣାସ୍ଥଳରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଭାବେ ଆହତ ହୋଇଥିବା ଜଣାପଡ଼ିଛି । ତେବେ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଘଟଣା ସମ୍ପର୍କରେ ସୂଚନା ପାଇ ଘଟଣାସ୍ଥଳରେ ପୁଲିସ ପହଞ୍ଚିଥିବା ଜଣାପଡ଼ିଛି ।
ମିଳିଥିବା ସୂଚନା ଅନୁଯାୟୀ ଘଟଣାଟି ଗ୍ବାଲିୟର ଜିଲ୍ଲାର ମହାରାଜ ବାଡ଼ା ଅଞ୍ଚଳରେ ଘଟିଛି । ଆସନ୍ତା କାଲି ଦେଶ ୭୫ତମ ସ୍ବାଧୀନତା ଦିବସ ପାଳିବାକୁ ଯାଇଛି । ଏହି ଉପଲକ୍ଷେ ସେଠାରେ ଥିବା ପୋଷ୍ଟ ଅଫିସର ଛାତ ଉପରେ ପ୍ରାୟ ୬୦ ଫୁଟ ଉପରେ କ୍ରେନ ଯୋଗେ ଜାତୀୟ ପତାକା ଲଗାଇବାକୁ ପ୍ରୟାସ ଚାଲିଥିଲା । ମାତ୍ର ଏହି ସମୟାରେ ହଠାତ କ୍ରେନ ଉପରି ଭାଗ ଭାଙ୍ଗି ଯାଇଥିଲେ । ଫଳରେ ସେଥିଲେ ଥିବା ନଗର ଉନ୍ନୟନ ନିଗମର କର୍ମୀ ପଡ଼ିଯାଇଥିଲେ । ଫଳରେ ଘଟଣାସ୍ଥଳରେ ହିଁ ୩ ଜଣଙ୍କର ମୃତ୍ୟୁ ହୋଇଥିବା ବେଲେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଥିଲେ ।
ଏହି ଘଟଣାରେ କଂଗ୍ରେସ ପ୍ରଦେଶ ଅଧ୍ୟକ୍ଷ କମଳନାଥ ଏହି ଘଟଣାରେ ଶୋକ ପ୍ରକାଶ କରିଛନ୍ତି । ସେ କହିଛନ୍ତି କି ଜାତୀୟ ପତାକା ଲଗାଉଥିବା ବେଳେ କ୍ରେନରୁ ପଡ଼ିଯାଇ କିଛି ଲୋକଙ୍କ ମୃତ୍ୟୁ ଘଟଣା ବେଶ ଦୁଃଖଦପୂର୍ଣ୍ଣ । କିଛି ଲୋକ ଆହତ ହୋଇଥିବା ନେଇ ମଧ୍ୟ ଖବର ମିଳିଛି । ତେବେ ପୀଡ଼ିତଙ୍କ ପରିବାର ପ୍ରତି ସମ୍ବେଦନା ଜଣାଇଛନ୍ତି କମଲନାଥ କହିଛନ୍ତି । ସେହିପରି ଏହି ଘଟଣାରେ ଦୋଷୀମାନଙ୍କ ପ୍ରତି କଠୋର ଦଣ୍ଡଦେବାକୁ ମଧ୍ୟ ଅପିଲ କରିଛନ୍ତି।
