କାମାକ୍ଷାନଗର, (ଓଡ଼ିଶା ୱେୟାର) : ହୁ ହୁ ହୋଇ ଜଳିଗଲା ଘର ବାପ-ପୁଅ ପୋଡି ଗୁରୁତର ଆହତ। ଢେଙ୍କାନାଳ ଚାନ୍ଦପୁର ପଞ୍ଚାୟତ ଖଇରପଶି ଗାଁରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ବାପ-ପୁଅ ପୋଡି ଗୁରୁତର ଆହତ ହୋଇଛନ୍ତି । ବିଦ୍ୟୁତ ସର୍ଟସର୍କିଟ ଯୋଗୁଁ ୩ ବଖରା ଘର, ଆସବାବପତ୍ର, ଧାନ ଓ ଚାଉଳ ସହ ଅନେକ ଆବଶ୍ୟକ କାଗତପତ୍ର ଜଳିପଡି ନଷ୍ଟ ହୋଇଛି ।
ଆହତ ମାନେ ହେଲେ ଖଇରପଶି ହରିଜନ ସାହିର ଚତୁର୍ଭୁଜ ନାୟକ ଏବଂ ପୁଅ ରାଜେଶ ନାୟକ । ଉଭୟଙ୍କୁ ଆମ୍ବୁଲାନ୍ସ୍ ଯୋଗେ ମେଡ଼ିକାଲରେ ଭର୍ତ୍ତି କରାଯାଇଛି । ପରଜଙ୍ଗ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିବିପିନ୍ନ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।
