କାବୁଲ: ଆଫଗାନିସ୍ତାନର ରାଜଧାନୀ କାବୁଲରେ ପୁଣି ଥରେ ବିସ୍ଫୋରଣ। କାବୁଲରେ ଥିବା ଏକ ମସଜିଦ ସମ୍ମୁଖରେ ଗତ ରବିବାର ଏହି ବିସ୍ଫୋରଣ ଘଟିଥିଲା। ଏହି ବିସ୍ଫୋରଣରେ ଏକାଧିକ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏହା ସହିତ ଆଇଏସଆଇର କମାଣ୍ଡରଙ୍କ ମଧ୍ୟ ମୃତ୍ୟ ହୋଇଥିବା ନେଇ ତାଲିବାନ ସରକାରର ଗୃହ ମନ୍ତ୍ରଳାୟ ପକ୍ଷରୁ ସୂଚନା ପ୍ରଦାନ କରାଯାଇଥିଲା। ତେବେ ଏଥିରେ ୫ ଜଣ ସାଧାରଣ ଲୋକଙ୍କ ମୃତ୍ୟୁ ହୋଇଥିବା ନେଇ ମନ୍ତ୍ରଳାୟ ପକ୍ଷରୁ ସୂଚନା ପ୍ରଦାନ କରାଯାଇଛି।
ତାଲିବାନର ପ୍ରବକ୍ତା ବିଲାଲ କରିମି କହିଛନ୍ତି କି ତିନି ଜଣ ସନ୍ଦିଗ୍ଧକୁ ଗିରଫ କରାଯାଇଛି। କାବୁଲରେ ରହିଥିବା ଇଦଗାଇ ମସିଜଦକୁ ଟାର୍ଗେଟ କରି ଏହି ବିସ୍ଫୋରଣକୁ ରୂପ ଦିଆଯାଇଥିଲା। ଏହି ମସଜିଦରେ ତାଲିବାନର ମୁଖପାତ୍ର ଜବିଉଲଲହା ମୁଜାହିଦଙ୍କ ମା’ଙ୍କ ସ୍ମୃତି ଉଦ୍ଦେଶ୍ୟରେ ପ୍ରାର୍ଥନା ସଭାର ଆୟୋଜନ କରାଯାଇଥିଲା।
ତାଲିବାନର ପ୍ରବକ୍ତା ବିଲାଲ କରିବି ଏସୋସିଏଟେଡ଼ ପ୍ରେସକୁ କହିଥିଲେ କି ତାଲିବାନ ସେନାଙ୍କୁ କୌଣସି ପ୍ରକାର କ୍ଷତି ହୋଇ ନାହିଁ। ଏହି ବିସ୍ଫୋରଣରେ ନିହତମାନେ ମସଜିଦର ଦ୍ବାର ନିକଟରେ ଛିଡ଼ା ହୋଇଥିଲେ। ତେବେ ମୃତକଙ୍କ ସଂଖ୍ୟା ସଠିକ ରୂପରେ ସେ କହି ପାରିନଥିବା ବେଳେ ତଦନ୍ତ ଜାରି ରହିଥିବା ନେଇ ସେ ସୂଚନା ଦେଇଛନ୍ତି। କାବୁଲରେ ଇଟାଲି ଦ୍ବାରା ପରିଚାଳିତ ଏକ ଡାକ୍ତରଖାନା ପକ୍ଷରୁ ଟ୍ବିଟ କରି କୁହାଯାଇଛି କି ଏହି ବିସ୍ଫୋରଣରେ ଚାରୁ ଜଣ ଆହତଙ୍କୁ ସେଠାକୁ ଅଣାଯାଇଥିଲା। ମସଜିଦ ନିକଟରେ ଘେରାବନ୍ଦି କରିଦିଆଯାଇଥିବା ନେଇ ସେ ସୂଚନା ଦେଇଥିଲେ।
ତେବେ ଏହି ବିସ୍ଫୋରଣ ପାଇଁ କୌଣସି ଅନୁଷ୍ଠାନ ବର୍ତ୍ତମାନ ପର୍ଯ୍ୟନ୍ତ ନିଜକୁ ଦାୟି କରିନାହାନ୍ତି। ଅଗଷ୍ଟ ୧୫ରେ ଆଫଗାନିସ୍ତାନରେ ତାଲିବାନ ନିଜର କବଜା କରିବା ପରେ ଆଫଗାନିସ୍ତାନରେ ଆଇଏସଆଇର କାର୍ଯ୍ୟକଳାପ ବୃଦ୍ଧି ପାଇଥିବା ଦେଖିବାକୁ ମିଳିଛି। ତେବେ ଉଭୟ ଆତଙ୍କୀ ସଂଗଠନ ତାଲିବାନ ଓ ଆଇଏସଆଇ ମଧ୍ୟରେ ତିକ୍ତତା ବୃଦ୍ଧି ପାଉଥିବା ବେଳେ ଅଘଟଣ ମଧ୍ୟ ଧିରେ ଧିରେ ବୃଦ୍ଧି ପାଇବାରେ ଲାଗିଛି।
