ନୂଆଦିଲ୍ଲୀ: ଭାରତୀୟ ବୋଲର ହରଭଜନ ସିଂ ଓ ପାକିସ୍ତାନୀ ବୋଲର ମହମ୍ମଦ ଆମୀରଙ୍କ ମଧ୍ୟରେ ଜୋରଦାର ଝଗଡ଼ା ସୋସିଆଲ ମିଡିଆରେ ଦେଖିବାକୁ ମିଳିଛି । ପାକିସ୍ତାନୀ ବୋଲର ଯେତବେଳେ ନିଜର ସମସ୍ତ ସୀମା ଅତିକ୍ରମ କରିଥିଲେ, ସେତବେଳେ ହରଭଜନ ସିଂ ଭାରତ ବନାମ ପାକିସ୍ତାନ ମ୍ୟାଚର ଏକ ପୁରୁଣା ଭିଡିଓ ସେୟାର କରିଥିଲେ ଯେଉଁଥିରେ ସେ ଛକା ମାରି ଭାରତକୁ ଜିତାଇ ଥିବାର ନଜର ଆସୁଛନ୍ତି । ଏହା ସହିତ ସେ କହିଛନ୍ତି, ‘ଫିକ୍ସରକୁ ସିକ୍ସର, ମହମ୍ମଦ ଆମୀର ଚାଲ ଦଫା ହୋ’ ।
ବାସ୍ତବରେ ସୋସିଆଲ ମିଡିଆରେ ଦୁହିଁଙ୍କ ମଧ୍ୟରେ ଏହି ଝଗଡା ଭାରତ ଏବଂ ପାକିସ୍ତାନ ମ୍ୟାଚ୍ ପରେ ହିଁ ଆରମ୍ଭ ହୋଇଥିଲା । ଯେତେବେଳେ ଆମୀର ଏକ ଟ୍ୱିଟ୍ କରି ପଚାରିଥିଲେ ଯେ ହରଭଜନ ସିଂ ଟିଭି ଭାଙ୍ଗି ଦେଇ ନାହାଁନ୍ତି ତ? ଏହାର ଜବାବରେ ଭଜୀ ଏକ ଭିଡିଓ ସେୟାର କରି କହିଛନ୍ତି ଯେ ବର୍ତ୍ତମାନ କେବଳ ଆପଣ କହି ପାରିବେ ଏହି ଛକାଟି ଆପଣଙ୍କ ଘରର ଟିଭି ଉପରେ ପଡ଼ି ନାହିଁ ତ । ଏହାପରେ ରାତିସାରା ଉଭୟଙ୍କ ମଧ୍ୟରେ ‘ଶବ୍ଦର ଯୁଦ୍ଧ’ ଜାରି ରହିଥିଲା ।
ମଙ୍ଗଳବାର ଦିନ ଆମୀର ଏକ ଭିଡିଓ ସେୟାର କରିଛନ୍ତି, ଏହା ହେଉଛି ସେହି ମ୍ୟାଚର ଭିଡିଓ ଯେଉଁଥିରେ ସହିଦ ଆଫ୍ରିଦି ହରଭଜନ ସିଂଙ୍କ 4 ଟି ବଲରୁ 4 ଟି ଛକା ମାରିଛନ୍ତି । ଆମୀର ଏହା ସେୟାର କରି କହିଛନ୍ତି ଯେ ହରଭଜନ ସିଂ, ମୁଁ ଏହି ଭିଡିଓ ଦେଖିବାରେ ବ୍ୟସ୍ତ ଥିଲି, ଯେତେବେଳେ ‘ଲାଲା’ (ସହିଦ ଆଫ୍ରିଦି) ଆପଣଙ୍କ ବଲରେ 4 ଟି ଛକା ମାରିଥିଲେ, କିନ୍ତୁ ଟେଷ୍ଟ କ୍ରିକେଟ୍ ଏହା ଅଧିକ ହେବା ପରି ମନେହୁଏ । ଏହାର ଜବାବରେ ହରଭଜନ ଆମୀରଙ୍କୁ ପଚାରିଥିଲେ ଯେ ‘ଲର୍ଡ୍ସ ଠାରେ ନୋ-ବଲ୍ କିପରି ହୋଇଯାଇଥିଲା, କେତେ ଟଙ୍କା ନେଇଥିଲେ ଓ କିଏ ଦେଇଥିଲା ।’
ଟେଷ୍ଟ କ୍ରିକେଟରେ ନୋ-ବଲ୍ କିପରି ହୋଇପାରେ । ଏହି ସୁନ୍ଦର ଖେଳକୁ ବଦନାମ କରିବା ପାଇଁ ଆପଣ ଓ ଆପଣଙ୍କ ସମର୍ଥକଙ୍କୁ ଲାଜ ଲାଗିବା ଉଚିତ । ହରଭଜନ ସିଂଙ୍କ ଉତ୍ତର ପରେ ଆମୀର ନିଜ ଶବ୍ଦର ସମସ୍ତ ସୀମା ଅତିକ୍ରମ କରିଥିଲେ । ସେ T-20 ବିଶ୍ୱକପ 2021 ରେ ଭାରତ ଉପରେ ପାକିସ୍ତାନର ବିଜୟ ବିଷୟରେ ହରଭଜନ ସିଂଙ୍କୁ ମନେ ପକାଇ ଦେଇଥିଲେ ଓ ହରଭଜନଙ୍କ ବୋଲିଂ ଆକ୍ସନ ଉପରେ ମଧ୍ୟ ପ୍ରଶ୍ନ ଉଠାଇ ଥିଲେ । ଏହା ପରେ ସେ କହିଥିଲେ ଯେ ବର୍ତ୍ତମାନ ଆମକୁ ବିଶ୍ୱକପ ଜିତିବାକୁ ଦେଖନ୍ତୁ ।
