ଭୁବନେଶ୍ଵର : ନବନିର୍ମିତ ବାଲେଶ୍ଵର ମେଡିକାଲ କଲେଜକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ଉଦଘାଟନ କରିବେ। ମୁଖ୍ୟମନ୍ତ୍ରୀଙ୍କ ଉଦଘାଟନ ସହ ସେଠାରେ ପାଠପଢ଼ା ଆରମ୍ଭ ହେବ। ଉଦଘାଟନ କାର୍ଯ୍ୟକ୍ରମରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଜେପି ନଡ୍ଡା ଯୋଗ ଦେବାର ସମ୍ଭାବନା ରହିଛି। ମୁଖ୍ୟମନ୍ତ୍ରୀ ସେଠାରେ ପ୍ରାୟ ୧୦ହଜାର ଲୋକଙ୍କୁ ସମ୍ବୋଧିତ କରିବେ। ମୁଖ୍ୟମନ୍ତ୍ରୀଙ୍କ ସହ ରାଜ୍ୟ ସ୍ବାସ୍ଥ୍ୟ ମନ୍ତ୍ରୀ ପ୍ରତାପ ଜେନା ଓ ଜିଲ୍ଲାର ବିଧାୟକମାନେ ମଧ୍ୟ ସାମିଲ ହେବେ।
ସୂଚନାଯୋଗ୍ୟ, କିଛି ଦିନ ତଳେ ବାଲେଶ୍ବର ମେଡିକାଲ କଲେଜର ନାମକରଣ ହୋଇଛି। ଫକୀର ମୋହନ ସେନାପତିଙ୍କ ନାଁରେ କଲେଜ ର ନାମକରଣ ହୋଇଥିଲା। ୩୧ ତାରିଖରେ ବଲାଙ୍ଗୀର ମେଡିକାଲ କଲେଜକୁ ମୁଖ୍ୟମନ୍ତ୍ରୀ ଉଦଘାଟନ କରିଥିଲେ।
