ମୁମ୍ବାଇ: ଆଜି (ଶନିବାର) ସକାଳେ ମୁମ୍ବାଇର ୨୦ ମହଲା ବିଶିଷ୍ଟ ଆବାସିକ କୋଠାରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟି ୭ ଜଣଙ୍କର ମୃତ୍ୟୁ ଘଟିଥିବା ବେଳେ ୧୫ ଜଣ ଆହତ ହୋଇଛନ୍ତି। ଅଧିକାରୀ କହିଛନ୍ତି ଯେ ତିନି ଜଣଙ୍କ ଅବସ୍ଥା ଗୁରୁତର ଥିବାବେଳେ ଅନ୍ୟ ୧୨ ଜଣ ଆହତଙ୍କ ଅବସ୍ଥା ସ୍ଥିର ରହିଛି।
କେନ୍ଦ୍ରୀୟ ମୁମ୍ବାଇର ତାରଡେଓ ଅଞ୍ଚଳରେ ଥିବା ଗୋୱାଲିଆ ଟ୍ୟାଙ୍କର ଗାନ୍ଧୀ ହସ୍ପିଟାଲ ସମ୍ମୁଖରେ କାମାଲା ବିଲ୍ଡିଂର ୧୮ ମହଲାରେ ସକାଳ ପ୍ରାୟ ୭ ଟାରେ ଅଗ୍ନିକାଣ୍ଡ ଘଟିଛି। ସୂଚନା ପାଇବା ମାତ୍ରେ ଅଗ୍ନିଶମ ବିଭାଗର କର୍ମଚାରୀ ଏବଂ ପୋଲିସ ଘଟଣାସ୍ଥଳରେ ପହଞ୍ଚିଥିଲେ।
ସମସ୍ତ ଆହତଙ୍କୁ ନିକଟ ଭାଟିଆ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ୧୨ ଜଣଙ୍କ ଅବସ୍ଥା ସ୍ଥିର ଥିବାରୁ ସାଧାରଣ ୱାର୍ଡରେ ଭର୍ତ୍ତି ହୋଇଥିବାବେଳେ ତିନିଜଣଙ୍କ ଅବସ୍ଥା ଗୁରୁତର ଥିବାରୁ ଆଇସିୟୁରେ ଭର୍ତ୍ତି କରାଯାଇଛି। ଭାଟିଆ ହସ୍ପିଟାଲର ଜଣେ ଡାକ୍ତର କହିଛନ୍ତି ଯେ ଏହି ଦୁର୍ଘଟଣାରେ ପୋଡାଜଳା ହେତୁ ଦୁଇ ଜଣଙ୍କର ମୃତ୍ୟୁ ହୋଇଛି।
ବ୍ରିହାନମ୍ବାଇ ମ୍ୟୁନିସିପାଲିଟି କର୍ପୋରେସନ (ବିଏମସି) ର ଜଣେ ଅଧିକାରୀ କହିଛନ୍ତି ଯେ ଏହାକୁ ଏକ ସ୍ତର -୩ (ବଡ଼) ଅଗ୍ନିକାଣ୍ଡ ବୋଲି ଚିହ୍ନିତ କରାଯାଇଛି। ଅଧିକାରୀଙ୍କ କହିବାନୁସାରେ, ନିଆଁକୁ ଆୟତ୍ତ କରିବା ପାଇଁ ଅପରେସନରେ ୧୩ ଟି ଅଗ୍ନିଶମ ଟେଣ୍ଡର, ସାତ ପାଣି ଟାଙ୍କି ଏବଂ ଅନ୍ୟମାନେ ଜଡ଼ିତ ଅଛନ୍ତି ।
