ବ୍ରହ୍ମପୁର(ଓଡ଼ିଶା ୱେୟାର) : ଅଘଟଣରୁ ବର୍ତ୍ତିଲେ ୫ ଯୁବକ । ମହେନ୍ଦ୍ରଗିରି ପାହାଡ଼କୁ ବୁଲିବାକୁ ଯାଇ ପାଣିରେ ଫସିଥିଲେ ୫ ଜଣ ଯୁବକ । ଉଦ୍ଧାର କଲେ ପୋଲିସ ଏବଂ ଦମକଳବାହିନୀ । ଗଞ୍ଜାମ ଜ଼ିଲ୍ଲା ଜରଡ଼ା ଥାନା ଉପାନ୍ତ ଅଞ୍ଚଳ ବାରିଆପଥରରେ ଥିବା ଭିୟୁ ପଏଣ୍ଟକୁ ଯୁବକମାନେ ବୁଲି ଯାଇଥିବା ବେଳେ ହଠାତ ବର୍ଷା ହୋଇଥିଲା।
ବର୍ଷା ପ୍ରଭାବରେ ପାହାଡ଼ ନିକଟ ନଦୀରେ ପାଣି ଆସିଯିବାରୁ ଯୁବକମାନେ ଆଉ ଫେରିପାରିନଥିଲେ ସେଠାରୁ। ଏନେଇ କୁକୁଡାଖଣ୍ଡି ସରପଞ୍ଚଙ୍କୁ ଜଣାଇଥିଲେ । ଜରଡ଼ା ଆଇଆଇସିଙ୍କୁ ସରପଞ୍ଚ ଘଟଣା ଜଣାଇବା ପରେ ପୋଲିସ, ଚିକିଟି ଓ ପାତ୍ରପୁର ଦମକଳ ବାହିନୀ ପହଞ୍ଚି ସେମାନଙ୍କୁ ରାତିରେ ଉଦ୍ଧାର କରିଥିଲେ । ଏନେଇ ପ୍ରଶାସନକୁ କୃତଜ୍ଞତା ଜଣାଇଛନ୍ତି ୫ଯୁବକ ।
