ମଧ୍ୟପ୍ରଦେଶ: ମଧ୍ୟପ୍ରଦେଶର ଖାରଗୋନ୍ରେ ରାମ ନବମୀ ଦିନ ଏକ ଶୋଭାଯାତ୍ରାରେ ପଥର ଫିଙ୍ଗିବା ପରେ ହିଂସା ଆରମ୍ଭ ହୋଇଥିଲା । ଏଥିରେ ଶିବମ୍ ଶୁକ୍ଲା ଗୁରୁତର ଆହତ ହୋଇଥିଲେ। ତାଙ୍କୁ ଇନ୍ଦୋରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛ ଯେଉଁଠାରେ ତାଙ୍କ ଅବସ୍ଥା ଅତ୍ଯନ୍ତ ଗମ୍ଭୀର ରହିଛି ।
ସୂଚନା ଅନୁଯାୟୀ, ରାମ ନବମୀ ଦିନ ଏକ ଶୋଭାଯାତ୍ରା କରାଯାଇଥିଲା ଏଥିରେ ୧୬ ବର୍ଷୀୟ ଶିବମ୍ ଶୁକ୍ଲା ମଧ୍ୟ ଜଡିତ ଥିଲେ । ହଠାତ୍ ଶୋଭାଯାତ୍ରାରେ ପଥର ଫିଙ୍ଗିବା ଆରମ୍ଭ ହେଲା । ପେଟ୍ରୋଲ ବୋମା ଫିଙ୍ଗି ଦିଆଯାଇଥିଲା ଏବଂ ଗୁଳି ମଧ୍ୟ ହୋଇଥିଲା । ଏହି ସମୟରେ ଶିବମ୍ ମୁଣ୍ଡରେ ଗଭୀର ଆଘତ ହୋଇଥିଲା । ସେ ତଳେ ପଡ଼ିଯାଇଥିଲେ ଏବଂ ପ୍ରବଳ ରକ୍ତଶ୍ରାବ ହୋଇଥିଲା । ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଅନୁସନ୍ଧାନରୁ ଜଣାପଡିଛି ଯେ ମୁଣ୍ଡରେ ଗଭୀର ଆଘାତ ଲାଗିଛି ତଥାପି, ସେ ନିଶ୍ବାସ ନେଉଥିଲେ।
ବର୍ତ୍ତମାନ ଡାକ୍ତରଖାନାରେ ତାଙ୍କ ଅବସ୍ଥା ଗୁରୁତର ରହିଛି ତାଙ୍କୁ ଭେଣ୍ଟିଲେଟରରେ ରଖାଯାଇଛି ଏବଂ ଏପର୍ଯ୍ଯନ୍ତ ଚେତା ଫେରି ପାଇନାହିଁ ଏହି ଦୁଃଖଦ ଘଟଣାବେଳେ ଶୁଭମଙ୍କ ଭଉଣୀ ବିବାହ କରିବାକୁ ଯାଉଛନ୍ତି, କିନ୍ତୁ ସମସ୍ତେ ଶିବମ କିପରି ସୁସ୍ଥ ହୋଇ ଘରକୁ ଫେରୁନ୍ତୁ , ସମସ୍ତେ ଠାକୁରଙ୍କ ପାଖରେ ପ୍ରାର୍ଥନା କରୁଛନ୍ତି । ତେବେ ଶିବମ ଶୁକ୍ଲାଙ୍କ ଭଉଣୀଙ୍କ ବିବାହ ପାଇଁ ପ୍ରସ୍ତୁତି ଶେଷ ହୋଇଛି । ଏପରିକି କାର୍ଡ ବଣ୍ଟା ସରିଛି ଏପରି ପରିସ୍ଥିତିରେ ପରିବାରର ସମସ୍ତ ସଦସ୍ଯ ଭାଙ୍ଗି ପଡ଼ିଛନ୍ତି ।
