ଭୁବନେଶ୍ବର(ଓଡ଼ିଶା ୱେୟାର) : କୁବେର ଡାକ୍ତର ସୁକାନ୍ତ ଜେନାଙ୍କୁ ପୁଲିସ ଗିରଫ କରି ତାଙ୍କୁ କୋର୍ଟ ଚାଲାଣ କରିଛି । ଭିଜିଲାନ୍ସ ପୁରୀ ଚାରିଛଖ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ସ୍ତ୍ରୀ ରୋଗ ଓ ପ୍ରସୂତି ବିଶେଷଜ୍ଞ ଡାକ୍ତର ସୁକାନ୍ତ ଜେନା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ । ଗତକାଲି ଭୁବନେଶ୍ୱରରେ ଥିବା କଳାରାହଙ୍ଗ ସ୍ଥିତ ତାଙ୍କ ବାସଭବନ ଉପରେ ଚଢାଉ ବେଳେ ମିଳିଥିଲା ୧ କୋଟି ୧୨ ଲକ୍ଷ ରାତିସାରା ଭିଜିଲାନ୍ସ ପକ୍ଷରୁ କୁବେର ଡାକ୍ତରଙ୍କ ସମ୍ପତ୍ତିର ହିସାବ ଚାଲିଥିଲା । କୁବେର ଡାକ୍ତର ଘରେ ଏତେ ଟଙ୍କା ଥତ୍ଲା ଯେ ତାକୁ ଗଣିବା ପାଇଁ ମେସିନ ଲଗାଗଲା । ଡାକ୍ତର ବାବୁଙ୍କ ଭୁବନେଶ୍ୱର କଳାରାହାଙ୍ଗରେ ୩ ମହଳା ବିଶିଷ୍ଠ ବିଲ୍ଡିଂ ରହିଛି ।
ଜଟଣୀରେ ତାଙ୍କର ମଧ୍ୟ ଏକ ପ୍ଲଟ ରହିଛି । ପୁରୀରେ ଆପାର୍ଟମେଣ୍ଟ ଅଛି । ତାଙ୍କ ବ୍ୟାଙ୍କରେ ୩୮ ଲକ୍ଷ ୬୩ ହଜାର ଟଙ୍କାର ଫିକ୍ସିଡ ଡିପୋଜିଟ ଓ ୪୪ ଲକ୍ଷ ଟଙ୍କାର ବୀମା ରହିଛି ଦୁଇଟି ଦାମୀ କାର ଅଛି ଏକ ସିଜରିଆନ ଅପରେସନ ପାଇଁ ଡାକ୍ତର ସୁକାନ୍ତ ଜେନା ୮ ହଜାର ଟଙ୍କା ଲାଞ୍ଚ ନେବା ବେଳେ ଗତକାଲି ତାଙ୍କୁ ଭିଜିଲାନ୍ସ ଧରିଥିଲା । ଏକାଥରେ ଏତେ ନଗଦ ଟଙ୍କା ଠାବ ଓଡ଼ିଶା ଭିଜିଲାନ୍ସ ଇତିହାସରେ ପ୍ରଥମ ବୋଲି କୁହାଯାଉଛି । ତେବେ ଅଧିକ ଖୋଳତାଡ କରିବାକୁ ତାଙ୍କୁ ରିମାଣ୍ଡରେ ଆଣିବେ ବୋଲି ସୂଚନା ଦେଇଛନ୍ତି ଭିଜିଲାନ୍ସ ଏସପି ଅନୁପମା ଜେମସ ।
