ମୁମ୍ବାଇ : ରଣବୀର କପୁର ଓ ଆଲିଆ ଭଟ୍ଟ ବଲିଉଡ୍ ଇଣ୍ଡଷ୍ଟ୍ରିର ମୋଷ୍ଟ ଆଡରବଲ୍ କପୁଲ୍ ଙ୍କ ମଧ୍ୟରୁ ଜଣେ। ଦୁହିଁଙ୍କ ବିବାହକୁ ନେଇ ବି-ଟାଉନ୍ରେ ଖୁବ୍ ଚର୍ଚ୍ଚା । ଦୁହିଁଙ୍କ ବିବାହ ରୀତିନୀତି ଅନୁଯାୟୀ ରଣବୀରଙ୍କ ବାସ୍ତୁ ଆପାର୍ଟମେଣ୍ଟରେ ହୋଇଥିଲା । ଏହି ବିବାହ ଉତ୍ସବରେ ଦମ୍ପତିଙ୍କ ପରିବାର ଏବଂ କେବଳ କିଛି ଘନିଷ୍ଠ ବନ୍ଧୁ ସାମିଲ୍ ଥିଲେ। ଶନିବାର ରାତିରେ ଏହି ଲଭ୍ବାର୍ଡ ସେମାନଙ୍କର ବିଶେଷ ବନ୍ଧୁମାନଙ୍କ ପାଇଁ ଏକ ପାର୍ଟିର ଆୟୋଜନ କରିଥିଲେ । ଯେଉଁଥିରେ ଅନେକ ନାମୀଦାମୀ କଳାକାର ସବୁ ସାମିଲ୍ ହୋଇଥିଲେ।
ତେବେ ମିଡିଆ ରିପୋର୍ଟ ଅନୁଯାୟୀ ପାର୍ଟିକୁ ଆସିଥିବା କିଛି କଳାକାର ମଧ୍ୟ ଏହି କପଲ୍ଙ୍କୁ ମଧ୍ୟ ବିଶେଷ ତଥା ସ୍ବତନ୍ତ୍ର ଗିଫ୍ଟ ମଧ୍ୟ ଦେଇଥିଲେ। ଯାହା ବର୍ତ୍ତମାନ ଖୁଲାସା ହୋଇଛି। ଯେମିତିକି କରୀନା କପୁର ଖାନ ଆଲିଆକୁ ୩.୧ ଲକ୍ଷ ଟଙ୍କା ମୂଲ୍ୟର ଏକ ହୀରା ସେଟ୍ ଉପହାର ଦେଇଛନ୍ତି। ଦୀର୍ଘ ବର୍ଷ ଧରି ରଣବୀରଙ୍କୁ ଡେଟ କରୁଥିବା ଦୀପିକା ପାଦୁକୋନ ମଧ୍ୟ ଏହି ଦମ୍ପତିଙ୍କୁ ୧୫ ଲକ୍ଷ ଟଙ୍କାର ଘଣ୍ଟା ଉପହାର ଦେଇଛନ୍ତି। ରଣବୀର ସିଂ କାୱାସାକି ନିଞ୍ଜା ବାଇକ୍ ଉପହାର ଦେଇଛନ୍ତି। ଅନ୍ୟପଟେ କ୍ୟାଟ୍ରିନା କୈଫ୍ ଆଲିଆ ଭଟ୍ଟଙ୍କୁ ୧୪.୫ ଲକ୍ଷ ଟଙ୍କା ମୂଲ୍ୟର ଏକ ସୁନ୍ଦର ପ୍ଲାଟିନମ୍ ବ୍ରେସଲେଟ୍ ଉପହାର ଦେଇଛନ୍ତି। ଅଭିନେତ୍ରୀ ଅନୁଷ୍କା ଶର୍ମା ଆଲିଆଙ୍କୁ ମନୀଷ ମଲହୋତ୍ରାଙ୍କ ଦ୍ୱାରା ଡିଜାଇନ୍ ହୋଇଥିବା ଏକ ସୁନ୍ଦର ଡ୍ରେସ୍ ଉପହାରରେ ଦେଇଛନ୍ତି। ଯାହାର ମୂଲ୍ୟ ୧.୬ ଲକ୍ଷ ଅଟେ ।
