ନୂଆଦିଲ୍ଲୀ: ଆଇଏଏସ ଅଧିକାରୀ ଟିନା ଡାବି ଓ ଅତହର ଆମିର ଖାନଙ୍କର ସମ୍ପର୍କରେ ପୂର୍ଣ୍ଣଛେଦ । ଦୀର୍ଘ ତିନି ବର୍ଷ ପରେ ଉଭୟଙ୍କ ବୈବାହିକ ଜୀବନର ଏକ ଦୁଃଖଦ ଅନ୍ତ ହୋଇଛି । ୨୦୧୮ରେ ଉଭୟଙ୍କ ବିବାହ ବେଶ ଚର୍ଚ୍ଚାରେ ରହିଥିଲା । ସେହି ସମୟରେ ବହୁ ରାଜନେତା ମାନେ ମଧ୍ୟ ତାଙ୍କ ବିବାହରେ ସାମିଲ ହୋଇଥିଲେ । ମାତ୍ର ଆଜି ଜୟପୁର ଫାମିଲି କୋର୍ଟରେ ଉଭୟଙ୍କର ଛାଡ଼ପତ୍ରକୁ ମଞ୍ଜୁରୀ ମିଳିଛି ।
ସୂଚନା ଯୋଗ୍ୟ ଟିନା ଡାବି ୨୦୧୫ ସିଭିଲ ସର୍ଭିସରେ ଟପ୍ପର ହୋଇଥିବା ବେଲେ ଅତହର ଆମିର ଖାନ ଦ୍ବିତୀୟ ସ୍ଥାନରେ ରହିଥିଲେ । ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ଓ ପରେ ପରସ୍ପରକୁ ବିବାହ ମଧ୍ୟ କରିନେଇଥିଲେ । ତେବେ ମିଳିଥିବା ସୂଚନା ଅନୁଯାୟୀ ଉଭୟଙ୍କ ସହମତିରେ ଜୟପୁର ଫାମିଲ କୋର୍ଟରେ ଉଭୟଙ୍କର ଛାଡ଼ପତ୍ର ହୋଇଛି । ଉଭୟେ ରାଜସ୍ଥାନ କ୍ୟାଡ଼ର ଥିବା ବେଳେ ଜୟପୁରରେ ଚାକିରି କରିଥିଲେ । ମାତ୍ର ପରବର୍ତ୍ତ ସମୟରେ ଅତହର ଜମ୍ମୁରେ ପୋଷ୍ଟିଂ ପାଇଥିଲେ ।
