ଲକ୍ଷ୍ନେ: ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ବୁଧବାର ସପ୍ତମ ପ୍ରାର୍ଥୀ ତାଲିକା ପ୍ରକାଶ କରିଛି । ଏହି ତାଲିକାରେ ୧୧ ଜଣ ମହିଳା ପ୍ରାର୍ଥୀଙ୍କ ସମେତ ୨୭ ଜଣ ପ୍ରାର୍ଥୀଙ୍କୁ ଟିକେଟ୍ ଦିଆଯାଇଛି । କଂଗ୍ରେସ ଏପର୍ଯ୍ଯନ୍ତ ଉତ୍ତରପ୍ରଦେଶରେ ମୋଟ ୩୪୬ ପ୍ରାର୍ଥୀ ଘୋଷଣା କରିଛି, ସେଥିମଧ୍ୟରୁ ୪୦ ପ୍ରତିଶତ ଟିକେଟ୍ ମହିଳାଙ୍କୁ ଦିଆଯାଇଛି । ଏଥର ଚାରିଟି ଆସନରେ ପ୍ରାର୍ଥୀଙ୍କ ନାମ ପରିବର୍ତ୍ତନ କରାଯାଇଛି । ଏଥିରେ କୁର୍ସି, ବାରବାଙ୍କି, ବିଙ୍ଗା ଏବଂ ପିପ୍ରାଚ୍ ବିଧାନସଭା ଆସନ ଅନ୍ତର୍ଭୁକ୍ତ କୁର୍ସିରୁ ଜାମିଲ ଅହମ୍ମଦଙ୍କ ସ୍ଥାନରେ ଉର୍ମିଲା ପଟେଲ ଟିକେଟ ପାଇଛନ୍ତି । ବାରବାଙ୍କିରୁ ଗୌରୀ ଯାଦବଙ୍କ ସ୍ଥାନରେ ରୁହି ଆର୍ଶାଦଙ୍କୁ ଟିକେଟ ଦିଆଯାଇଛି । ବିଙ୍ଗାରୁ ଭନ୍ଦାନା ଶର୍ମାଙ୍କ ସ୍ଥାନରେ ଗାଜାଲା ଚୌଧୁରୀଙ୍କୁ ଟିକେଟ୍ ଦିଆଯାଇଥିବାବେଳେ ପିପ୍ରାଇଚରୁ ମନେକା ପାଣ୍ଡେଙ୍କ ସ୍ଥାନରେ ସୁମନ ଚୌହାନଙ୍କୁ ଟିକେଟ ଦିଆଯାଇଛି ।
ଏହା ବ୍ଯତୀତ ଏହି ତାଲିକାରେ ତିନିଜଣ ପୁରୁଷ ପ୍ରାର୍ଥୀଙ୍କ ନାମ ମଧ୍ୟ ପରିବର୍ତ୍ତନ କରାଯାଇଛି । ଏଥିରେ ମନୋଜ ତିଓ୍ୱାରୀ ଲକ୍ଷ୍ନେ ପୂର୍ବର ପଙ୍କଜ ତିଓ୍ୱାରୀଙ୍କ ସ୍ଥାନରେ ଟିକେଟ ପାଇଛନ୍ତି । ଖଲିଲାବାଦରୁ ସାବିନା ଖଟୁନଙ୍କ ସ୍ଥାନରେ ଅମରେନ୍ଦ୍ର ଭୂଷଣଙ୍କୁ ଟିକେଟ୍ ଦିଆଯାଇଥିବାବେଳେ ମାର ମନଭେନ୍ଦ୍ର ବାହାଦୂର ସିଂଙ୍କ ସ୍ଥାନରେ ମଧ୍ୟପ୍ରଦେଶ ସିଂଙ୍କୁ ଟିକେଟ ଦିଆଯାଇଛି।
ସାତୋଟି ପର୍ଯ୍ଯାୟରେ ଉତ୍ତରପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବ ପ୍ରଥମ ପର୍ଯ୍ଯାୟ ମତଦାନ ଫେବୃଆରୀ ୧୦ରେ ଏବଂ ସପ୍ତମ ତଥା ଶେଷ ପର୍ଯ୍ଯାୟ ମାର୍ଚ୍ଚ ୭ ରେ ଅନୁଷ୍ଠିତ ହେବ ମାର୍ଚ୍ଚ ୧୦ ରେ ଫଳାଫଳ ଘୋଷଣା କରାଯିବ ।
