ଭୁବନେଶ୍ୱର, (ଓଡ଼ିଶା ୱେୟାର) : ମକର ସଂକ୍ରାନ୍ତି ପାଇଁ ବନ୍ଦ ରହିବ ଘଟଗାଁର ପ୍ରସିଦ୍ଧ ମା ତାରିଣୀ ମନ୍ଦିର ମକର ମେଳାରେ ପ୍ରବଳ ଭିଡକୁ ଦୃଷ୍ଟିରେ ରଖି ପ୍ରଶାସନ ଏଭଳି ନିଷ୍ପତ୍ତି ନେଇଛି । ବର୍ଦ୍ଧିତ କରୋନା ସଂକ୍ରମଣଙ୍କୁ ଦୃଷ୍ଟିରେ ରଖି ଭିଡ଼ ଏଡ଼ାଇବା ଲାଗି ଏହି ସତର୍କତାମୂଳକ ପଦକ୍ଷେପ ନିଆଯାଇଛି । ସ୍ବତନ୍ତ୍ର ରିଲିଫ କମିସନର ଓ କେନ୍ଦୁଝର ଜିଲ୍ଲାପାଳଙ୍କ ଚିଠି ଅନୁସାରେ ୧୪ ତାରିଖ ଦିନ ମନ୍ଦିର ପରିସରକୁ କେଣସି ଭକ୍ତ ପ୍ରବେଶ କରିପାରିବେ ନାହିଁ । ପ୍ରତ୍ଯେକ ଦିନ ପରି ମାଙ୍କ ବେଶ, ନୀତିକାନ୍ତି, ସକାଳ ଆଳତି, ସଂଧ୍ୟା ଆଳତି, ପହଡ଼ ଆଳତି ଓ ଅନ୍ନପ୍ରସାଦ ନୀତି ଯଥାରୀତି ସଂପାଦନ ହେବ। ସେହିପରି ଧବଳେଶ୍ବର ପୀଠରେ ମଧ୍ୟ କରୋନା ପାଇଁ କଟକଣା ଜାରି କରାଯାଇଛି । କୋଭିଡ କଟକଣା ପାଳନ ନିମନ୍ତେ ପୀଠରେ ୧୪୪ ଧାରା ଜାରି କରିଛି ପ୍ରଶାସନ ସମ୍ଭାବ୍ଯ ଭିଡକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି ପ୍ରତି ବର୍ଷ ମକର ସଂକ୍ରାନ୍ତିରେ ହଜାର ହଜାର ଲୋକଙ୍କ ଭିଡ ଜମିଥାଏ । ଏହାକୁ ଦୃଷ୍ଟିରେ ରଖି ପୀଠରେ ୧୪୪ ଧାରା ଜାରି କରାଯାଇଛି । ସେହିପରି କେନ୍ଦ୍ରାପଡାର ଆରାଧ୍ୟ ଦେବତା ପ୍ରଭୁ ଶ୍ରୀ ବଳଦେବଜୀଉଙ୍କ ମନ୍ଦିର ପରିସରରେ ମଧ୍ୟ ୧୪୪ ଧାରା ଜାରି କରାଯାଇଛି । ମନ୍ଦିର ଏବଂ ଏହାର ୫ ଶହ ମିଟର ପରିଧି ମଧ୍ୟରେ ଏହି କଟକଣା ଲାଗୁ କରାଯାଇଛି । ଚଳିତ ମାସ ୧୨ତାରିଖ ରାତି ୯ଟାରୁ ୧୫ ତାରିଖ ସକାଳ ୯ଟା ପର୍ଯ୍ଯନ୍ତ ଏହି କର୍ଫୁ୍ଯ ବଳବତ୍ତର ରହିବ । ପବିତ୍ର ମକର ସଂକ୍ରାନ୍ତିରେ ମାସାଧିକ କାଳ ପିତ୍ରାଳୟରେ ରହି ଫେରିଥିବା ମା ଲକ୍ଷ୍ମୀ ସାଙ୍ଗରେ ଆଣିଥିବା ବିଭିନ୍ନ ବ୍ଯଞ୍ଜନକୁ ନେଇ ନବାଙ୍କ ବେଢା ପରିକ୍ରମା ହୁଏ । ସଂକ୍ରାନ୍ତି ପୂର୍ବଦିନ ୫ ଥର ଏବଂ ସଂକ୍ରାନ୍ତି ଦିନ ୪ ଥର ମକରବେଢା ପରିକ୍ରମା କରାଯାଏ ଏଥିରେ ୮୪ ପ୍ରକାରର ବିଭିନ୍ନ ବ୍ଯଞ୍ଜନ ମହାପ୍ରଭୁଙ୍କ ପାଇଁ ରହିଥାଏ । ଏହି ବେଢା ପରିକ୍ରମା ଦେଖିବା ପାଇଁ ହଜାର ହଜାର ଶ୍ରଦ୍ଧାଳୁ ଏକାଠି ହୋଇଥାଆନ୍ତି ।
