ଜୀବନଚର୍ଯ୍ୟା
ଅନିଦ୍ରା ସମସ୍ୟାର ଉପାୟ
ଆଜିକାଲିର ବ୍ୟସ୍ତବହୁଳ ଜୀବନଶୈଳୀ କାରଣରୁ ଭଲ ନିଦ ନହେବା ବର୍ତ୍ତମାନ ଏକ ମୁଖ୍ୟ ସମସ୍ୟା ପାଲଟିଛି। ଭଲ ଓ ସମ୍ପୂର୍ଣ୍ଣ ନିଦ ନହେବା କାରଣରୁ ସ୍ୱାସ୍ଥ୍ୟ ସହ ଜଡିତ ଅନେକ ସମସ୍ୟା ସୃଷ୍ଟି ହୋଇଥାଏ। ଏହି କାରଣରୁ ଶାରୀରିକ ଓ ମାନସିକ ସମସ୍ୟା ଦେଖା ଦେଇଥାଏ। ଜୀବନରେ ବୃଦ୍ଧି ପାଉଥିବା ଚିନ୍ତା ନିଦ ଉପରେ ଅନେକ ପ୍ରଭାବ ପକାଇଥାଏ। ଭଲ ଓ ସମ୍ପୂର୍ଣ୍ଣ ନିଦ ନହେବା ଦ୍ୱାରା ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବା, ଉଚ୍ଚ ରକ୍ତଚାପ, ସ୍ମରଣ ଶକ୍ତି ଦୁର୍ବଳ, କାମରେ ଏକାଗ୍ରତା ନ ରହିବା, ମାନସିକ ଦୁଃଶ୍ଚିନ୍ତା ବୃଦ୍ଧି ପାଇବା। ଏହା ବ୍ୟତୀତ ଚିଡ୍ଚିଡ୍ପଣ, ଥକ୍କାପଣ, ଚିନ୍ତାଧାରାରେ ପରିବର୍ତ୍ତନ ଭଳି ସମସ୍ୟା ମଧ୍ୟ ଦେଖାଦେଇଥାଏ। ଏହାର ପ୍ରଭାବ ଦୈନନ୍ଦିନ ଜୀବନ ଉପରେ ମଧ୍ୟ ପଡିଥାଏ। ତେଣୁ ସଠିକ୍ ମାତ୍ରାରେ ଶୋଇବା ନିତାନ୍ତ ଆବଶ୍ୟକ। ଯାଦ୍ୱାରା ଶାରୀରିକ ଓ ମାନସିକ ସ୍ୱାସ୍ଥ୍ୟ ଉତ୍ତମ ରହିଥାଏ। ଉତ୍ତମ ନିଦ ପାଇଁ କେଉଁ ଫଳକୁ ନିଦ ଖାଦ୍ୟରେ ସାମିଲ କରିବେ..
କଦଳୀ – କଦଳୀ ସେବନ କରିବା ଦ୍ୱାରା ଅନିଦ୍ରା ସମସ୍ୟାରୁ ମୁକ୍ତି ମିଳିଥାଏ। ଏଥିରେ ଭିଟାମିନ୍ ବି୬,ମେଗ୍ନେସିୟମ ଭଳି ପୋଷକ ତତ୍ତ୍ୱ ରହିଛି। ଭିଟାମିନ୍ ବି୬ ଶରୀରକୁ ସୁସ୍ଥ ରଖିବା ସହ ମେଗ୍ନେସିୟମ ମାନସିକ ଦୁଃଶ୍ଚିନ୍ତାକୁ କମ କରି ଉତ୍ତମ ନିଦରେ ସହାୟକ ହୋଇଥାଏ।
ଚେରି – ଚେରି ସେବନ କରିବା ଦ୍ୱାରା ଅନିଦ୍ରା ସମସ୍ୟାରୁ ମୁକ୍ତି ମିଳିଥାଏ।
କିୱି – ଭିଟାମିନ୍-ସିରେ ଭରପୁର କିୱିରେ ପୋଟାସିୟମ ସହ ଅନ୍ୟାନ୍ୟ ପୋଷକ ତତ୍ତ୍ୱ ରହିଛି। ଏହା ଚିନ୍ତାକୁ କମ୍ କରି ଉତ୍ତମ ନିଦରେ ସହାୟକ ହୋଇଥାଏ।
ସପୁରୀ ସେବନ କରିବା ଦ୍ୱାରା ଅନିଦ୍ରା ସମସ୍ୟାରୁ ମୁକ୍ତି ମିଳିଥାଏ। ଏଥିରେ ଭିଟାମିନ୍ ସି ମଧ୍ୟ ରହିଛି। ମାନସିକ ଚିନ୍ତା ମଧ୍ୟ ଦୂର କରିଥାଏ।
କମଳା – ଆଣ୍ଟି-ଅକ୍ସିଡାଣ୍ଟରେ ଭରପୁର କମଳା ମଧ୍ୟ ଅନିଦ୍ରା ସମସ୍ୟା ଦୂର କରିଥାଏ। ଏଥିରେ ଭିଟାମିନ୍ ସି ରହିଛି। ଏହା ମାନସିକ ଶାନ୍ତି ପ୍ରଦାନ କରିଥାଏ। ଦୁଃଶ୍ଚିନ୍ତା କମ୍ କରିଥାଏ।
ଅମୃତଭଣ୍ଡା – ଏଥିରେ ଭିଟାମିନ୍ ସି, ପୋଟାସିୟମ ରହିଛି। ପୋଟାସିୟମ ମାଂସପେଶୀକୁ ଆରାମ ପ୍ରଦାନ କରିଥାଏ। ଏଥିରେ ଥିବା ଏକ ବିଶେଷ ପ୍ରକାର ପୋଷକ ତତ୍ତ୍ୱ ଖାଦ୍ୟ ଭଲ ଭାବେ ହଜମ କରିବାରେ ମଧ୍ୟ ସହାୟକ ହୋଇଥାଏ। ଅମୃତଭଣ୍ଡା ସେବନ କରିବା ଦ୍ୱାରା ଅନିଦ୍ରା ସମସ୍ୟା ଦୂର ହୋଇଥାଏ।
ସେଓ – ସେଓରେ ଫାଇବର ଓ ପ୍ରାକୃତିକ ମିଠା ରହିଛି। ଏହାର ସେବନ ଦ୍ୱାରା ଉତ୍ତମ ନିଦ ହୋଇଥାଏ।