Latest
ଖୋଲିଲା ହୀରାକୁଦ ର ୬ଟି ଗେଟ୍
ସମ୍ୱଲପୁର(ଓଡ଼ିଶା ଓ୍ବେୟାର): ହୀରାକୁଦ ଜଳଭଣ୍ଡାରର ୬ଟି ଗେଟ୍ ଖୋଲାଯାଇଛି। ଡ୍ୟାମ୍ରେ ଜଳପତ୍ତନ ନିୟନ୍ତ୍ରଣ କରିବା ଲାଗି ଆଜି ସଂଧ୍ୟାରେ ୬ଟି ଗେଟ୍ ଖୋଲାଯାଇଛି। ପ୍ରଥମେ ଦୁଇଟି ଗେଟ୍ ଖୋଲାଇଥିଲା। ୩ ଓ ୭ ନମ୍ୱର ଗେଟ୍ ଖୋଲିଥିଲା। ପର୍ଯ୍ୟାୟ କ୍ରମେ ୬ଟି ଗେଟ୍ ଖୋଲିଛି।
ଉପର ମୁଣ୍ଡରେ ବର୍ଷା ହେବାରୁ ଜଳଭଣ୍ଡାରରେ ଜଳ ପତ୍ତନ ବୃଦ୍ଧି ପାଇଥିଲା। ଯେଉଁଥିପାଇଁ ଡ୍ୟାମ୍ କର୍ତ୍ତୃପକ୍ଷ ଗେଟ୍ ଖୋଲିଛନ୍ତି। ଗତ ୨୪ ଘଣ୍ଟାରେ ଉପର ମୁଣ୍ଡ ରେ ୪୬.୪୬ ମିଲି ମିଟର ବର୍ଷା ହୋଇଥିବା ରେକର୍ଡ କରାଯାଇଛି। ଡ୍ୟାମର ଜଳ ପତ୍ତନ ୬୨୬.୮୩ ଫୁଟ ରହିଛି। ଏହି ସମୟ ଭିତରକୁ ପ୍ରତି ସେକେଣ୍ଡରେ ୨ ଲକ୍ଷ ୧୦ ହଜାର ୩୧୨ ଘନଫୁଟ୍ ଜଳ ପ୍ରବେଶ କରୁଛି।
ହୀରାକୁଦ ଡ୍ୟାମ୍ କର୍ତ୍ତୃପକ୍ଷଙ୍କ କହିବା ଅନୁସାରେ ଡ୍ୟାମ୍ରୁ ବର୍ତ୍ତମାନ ଏକ ଲକ୍ଷ କ୍ୟୁସେକ୍ ପାଣିଛଡ଼ା ଯିବା। ଏହା ଦ୍ୱାରା ତଳ ମୁଣ୍ଡରେ ବନ୍ୟା ହେବାର ଆଶଙ୍କା ନାହିଁ।
ରାଜ୍ୟରେ ଲଘୁଚାପଜନିତ ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି। ସମଗ୍ର ରାଜ୍ୟରେ ୨ଦିନରେ ରେକର୍ଡ ପରିମାଣର ୧୫୬ମିମି ବର୍ଷା ରେକର୍ଡ କରାଯାଇଛି। ଏସଆରସିଙ୍କ କାର୍ଯ୍ୟାଳୟରୁ ମିଳିଥିବା ତଥ୍ୟ ଅନୁସାରେ, ସେପ୍ଟେମ୍ବର ମାସରେ ହାରାହାରି ୧୦୮.୨ମିମି ବର୍ଷା ହେବାର ଥିବାବେଳେ ୧୪ ତାରିଖ ସୁଦ୍ଧା ୨୭୫.୫ ମିମି ବର୍ଷା ହୋଇସାରିଲାଣି। ଯାହାକି ୧୫୪.୬ ପ୍ରତିଶତ ଅଧିକ। ଚଳିତ ମୌସୁମୀରେ ଆଜିସୁଦ୍ଧା ରାଜ୍ୟରେ ମୋଟ ହାରାହାରି ୧୦୨୦.୬ମିମି ବର୍ଷା ହେବା ପରିବର୍ତ୍ତେ ୯୨୦.୩ ମିମି ବର୍ଷା ହୋଇଛି।
ସେପଟେ ଉପରମୁଣ୍ଡରେ ଆହୁରି ବର୍ଷା ହେବାର ଆଶଙ୍କା ରହିଛି। ତେଣୁ ହୀରାକୁଦ ଜଳ ଭଣ୍ଡାରରେ ପାଣି ବଢ଼ିବ। ତେଣୁ ଡ୍ୟାମ କର୍ତ୍ତୃପକ୍ଷ ବନ୍ୟାପାଣି ଛାଡ଼ିଛନ୍ତି।