ନୂଆଦିଲ୍ଲୀ: ଆଫଗାନିସ୍ତାନରେ ବିଗୁଡ଼ୁଥିବା ପରିସ୍ଥିତିକୁ ଦୃଷ୍ଟିରେ ରଖି ଭାରତ ସରକାର ବଡ଼ ପଦକ୍ଷେପ ଗ୍ରହଣ କରିଛନ୍ତି । ଏହି ପଦକ୍ଷେପ ଅନୁଯାୟୀ ଆଫଗାନ ନାଗରିକମାନେ ଏବେ କେବଳ ଇ-ଭିସା ଦ୍ବାରା ଭାରତକୁ ଆସିପାରିବେ ବୋଲି କେନ୍ଦ୍ର ସରକାର ଘୋଷଣା କରିଛନ୍ତି । ଏହି ଯୋଜନା ମାଧ୍ୟମରେ ଆପଗାନ ନାଗରିକ ପାଇଁ ସୁବ୍ୟବସ୍ଥିତ ଭିସା ସୁବିଧା କରିବାକୁ କେନ୍ଦ୍ର ସରକାର ପ୍ରୟାସ କରିଛନ୍ତି।
ତେବେ କିଛି ଦିନ ପୂର୍ବରୁ ଭାରତ ଆସିବାକୁ ଚାହୁଁଥିବା ଆଫଗାନ ନାଗରିକଙ୍କ ପାସପୋର୍ଟ ହଜିଯାଇଥିବା ଅଭିଯୋଗ ଆସୁଥିଲା । ଫଳରେ ସେମାନେ ଆଫଗାନରୁ ଅନ୍ୟ ରାଷ୍ଟ୍ରକୁ ଯିବା ପାଇଁ ଅନେକ ସମସ୍ୟାର ସମମୁଖି ହୋଇଥିଲେ । ଦେଶରେ ମାନବୀୟ ସଂକଟ ଦେଖା ଦେଉଥିବା ବେଳେ ଭାରତ ସେମାନଙ୍କୁ ସହାୟତାର ହାତ ବଢାଇଥିଲା । ତେବେ ଏଭଳି ପରିସ୍ଥିତିରେ ଆଫଗାନିସ୍ତାନ ନାଗରିକଙ୍କୁ ପୂର୍ବରୁ ଦିଆଯାଇଥିବା ଭିସା, ଯେଉଁମାନେ ବର୍ତ୍ତମାନ ଭାରତରେ ନାହାଁନ୍ତି, ତତ୍କାଳ ଭାବେ ତାହା ଅବୈଧ ହୋଇଯାଏ | ତାଲିବାନ ଆଫଗାନିସ୍ତାନ ଦଖଲ କରିବା ପରେ ଭାରତ ନିଜକୁ ତଥା ଅନ୍ୟ ନାଗରିକମାନଙ୍କୁ ସ୍ଥାନାନ୍ତର କରିବାକୁ ଚେଷ୍ଟା କରୁଥିବା ବେଳେ ଏହି ନିଷ୍ପତ୍ତି ନିଆଯାଇଛି।
ଏହାପୂର୍ବରୁ ଆଫଗାନିସ୍ତାନର ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ଭାରତ ଅଗଷ୍ଟ ୧୭ରେ ଘୋଷଣା କରିଥିଲା ଯେ ଭାରତ ଆସିବାକୁ ଚାହୁଁଥିବା ଆଫଗାନିସ୍ତାନ ନାଗରିକଙ୍କୁ ଜରୁରୀକାଳୀନ ‘ଇ-ଭିସା’ ପ୍ରଦାନ କରାଯିବ। ଯେକୌଣସି ଧର୍ମର ସମସ୍ତ ଆଫଗାନିସ୍ତାନ ନାଗରିକ ‘ଇ-ଜରୁରୀକାଳୀନ ଏବଂ ଅନ୍ୟାନ୍ୟ ଭିସା’ ପାଇଁ ଅନଲାଇନରେ ଆବେଦନ କରିପାରିବେ ଏବଂ ସେମାନଙ୍କର ଆବେଦନ ନୂଆଦିଲ୍ଲୀରେ ପ୍ରକ୍ରିୟାକରଣ କରାଯିବ।
ଗୃହ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ଆଫଗାନିସ୍ତାନର ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ଗୃହ ମନ୍ତ୍ରଣାଳୟ ଭିସା ବ୍ୟବସ୍ଥାର ସମୀକ୍ଷା କରିଛି। ଭାରତରେ ପ୍ରବେଶ ପାଇଁ ଭିସା ଆବେଦନ ଉପରେ ଶୀଘ୍ର ନିଷ୍ପତ୍ତି ନେବା ପାଇଁ ଏକ ନୂତନ ବର୍ଗ ‘ଇ-ଜରୁରୀକାଳୀନ ଏବଂ ଅନ୍ୟାନ୍ୟ ଭିସା’ ସୃଷ୍ଟି କରାଯାଇଛି ।
ଅଧିକାରୀ କହିଛନ୍ତି ଯେ ଆଫଗାନିସ୍ତାନରେ ଭାରତର ମିଶନ ବନ୍ଦ ହେତୁ ଅନଲାଇନରେ ଭିସା ଆବେଦନ କରାଯାଇପାରିବ ଏବଂ ନୂଆଦିଲ୍ଲୀରେ ଆବେଦନ କରାଯିବ। ସେ କହିଛନ୍ତି ଯେ ପ୍ରଥମେ ଭିସା ୬ ମାସ ପାଇଁ ଦିଆଯିବ। ଆବେଦନ ପ୍ରକ୍ରିୟାକରଣ ଏବଂ ଆଫଗାନିସ୍ତାନ ନାଗରିକଙ୍କୁ ଭିସା ପ୍ରଦାନ କରିବା ସମୟରେ ସୁରକ୍ଷା ପ୍ରସଙ୍ଗ ଉପରେ ଦୃଷ୍ଟି ଦିଆଯିବ ବୋଲି ସେ କହିଛନ୍ତି। ସମସ୍ତ ଧର୍ମର ଆଫଗାନିସ୍ତାନ ନାଗରିକମାନେ ଭିସା ପାଇଁ ଆବେଦନ କରିପାରିବେ।
