Latest
ୟୁକ୍ରେନର ରେଳ ଷ୍ଟେସନ ଉପରେ ରକେଟ ଆକ୍ରମଣ: ୩୫ ଜଣ ମୃତ , ୧୦୦ ଆହତ
ନୂଆଦିଲ୍ଲୀ: ପୂର୍ବ ୟୁକ୍ରେନର ଲୋକଙ୍କୁ ଉଦ୍ଧାର କରିବା ପାଇଁ ବ୍ୟବହୃତ ଏକ ରେଳ ଷ୍ଟେସନରେ ୨ ଟି ରକେଟ୍ ଆକ୍ରମଣ ହୋଇଛିଫ। କ୍ରାମାଟର୍ସ ରେଳ ଷ୍ଟେସନ ଉପରେ ହୋଇଥିବା ଆକ୍ରମଣରେ ଅତି କମରେ ୩୫ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୦ ଜଣ ଆହତ ହୋଇଥିବା ଜଣାଯାଇଛି। ସାଧାରଣ ନାଗରିକଙ୍କ ଉଦ୍ଧାର କାର୍ୟ୍ୟ ୟୁକ୍ରେନର ପୂର୍ବ ସହର କ୍ରାମେଟରସ୍କରୁ ଚାଲିଥିଲା। କ୍ରାମେଟରସ୍କ ପୂର୍ବ ୟୁକ୍ରେନର ଡୋନେଟସ୍କ ଓବ୍ଲାଷ୍ଟ ଅଞ୍ଚଳର ଏକ ଅଂଶ ଯେଉଁଠାରେ ରୁଷିଆ ବର୍ତ୍ତମାନ ନିଜର ସାମରିକ କାର୍ୟ୍ୟକଳାପକୁ ଧ୍ୟାନ ଦେଇଛି ।
ଏହା ପୂର୍ବରୁ ଖବର ଆସିଥିଲା ଯେ ରୁଷିଆ ର ଉତ୍ତର-ପୂର୍ବରେ ଥିବା ୟୁକ୍ରେନ ସେନା ସମଗ୍ର ସୁମି ଅଞ୍ଚଳକୁ ନିଜ ଅଧୀନକୁ ନେଇଛି। କ୍ରାମାଟର୍ସ ସୁମିର ପ୍ରାୟ ୫ ଘଣ୍ଟା ଦକ୍ଷିଣ ପୂର୍ବରେ ଅବସ୍ଥିତ । ତେବେ ଏଠାରେ ରାଜ୍ୟପାଳ ନାଗରିକମାନଙ୍କୁ ଚେତାବନୀ ଦେଇଛନ୍ତି ଯେ ଏଠାରୁ ଲ୍ୟାଣ୍ଡ ମାଇନ୍ ସଫା କରାଯାଉଛି। ସୋମି ମିଡିଆର ଟ୍ୱିଟରରେ ଗଭର୍ଣ୍ଣର ଡିମିଟ୍ରି ଜିଭିଟସ୍କି କହିଛନ୍ତି। ଏହି ଅଞ୍ଚଳକୁ ଶତ୍ରୁମାନଙ୍କଠାରୁ ମୁକ୍ତ କରାଯାଇଛି ବୋଲି ସେ କହିଛନ୍ତି। ଏଥିସହିତ ସେ କହିଛନ୍ତି ଯେ ଏହି ଅଞ୍ଚଳ ଏପର୍ୟ୍ୟନ୍ତ ସୁରକ୍ଷିତ ନୁହେଁ ଏବଂ ଅନେକ ଅଞ୍ଚଳରେ ଲ୍ୟାଣ୍ଡମାଇନ୍ ଅଛି ଏବଂ ସେଗୁଡିକ ଏପର୍ୟ୍ୟନ୍ତ ହଟାଯାଇ ନାହିଁ।