ଚୀନ ସହିତ ବିବାଦ ମଧ୍ୟରେ ଭାରତୀୟ ସେନାର କଡ଼ା ରଣନୀତି

ନୂଆଦିଲ୍ଲୀ: ପୂର୍ବ ଲଦାଖର ଲାଇନ୍ ଅଫ୍ ଆକ୍ଚୁଆଲ୍ କଣ୍ଟ୍ରୋଲ୍ (ଖଇଉ) ନିକଟରେ ଚୀନ୍ ସହିତ ବିବାଦ ମଧ୍ୟରେ ଭାରତୀୟ ସେନା ଘାଟି ଅଞ୍ଚଳରେ ଯୁଦ୍ଧାଭ୍ୟାସ ଜାରି ରଖିଛି। ଏହି ପୂର୍ବ ଲଦାଖରେ ଟ୍ୟାଙ୍କ ରେଜିମେଣ୍ଟ ନିୟୋଜିତ ହେବାର ଗୋଟିଏ ବର୍ଷ ପରେ ଭାରତୀୟ ସେନା ଏହି ଅଞ୍ଚଳରେ ଟ୍ୟାଙ୍କର ବ୍ୟବହାରରେ ଅଧିକ ଅଭ୍ୟସ୍ତ ହୋଇଯାଇଛି। ଗତ ବର୍ଷ ଅପରେସନ୍ ସ୍ନୋ ଲିଓପାଡ଼ ଅଧୀନରେ ଚୀନ୍ ସେନାର ଆକ୍ରମଣକୁ ପ୍ରତିହତ କରିବା ପାଇଁ ଭାରତୀୟ ସେନା ଗତ ବର୍ଷ ଟି-୯୦ ଭୀଷ୍ମ ଏବଂ ଟି-୭୨ ଅଜୟ ଟ୍ୟାଙ୍କ ସମେତ ବହୁ ସଂଖ୍ୟକ ଟ୍ୟାଙ୍କ ନିୟୋଜିତ କରିଥିଲା।
ଏକ ବର୍ଷରୁ ଅଧିକ ସମୟ ପାଇଁ, ୧୪ ଫୁଟରୁ ୧୭ ହଜାର ଫୁଟ ପର‌୍ୟ୍ୟନ୍ତ ଅଞ୍ଚଳରେ ସର୍ବନିମ୍ନ ତାପମାତ୍ରାରେ ସେନା ନିଜର ପ୍ରସ୍ତୁତିକୁ ଆହୁରି ଦୃଢ କରିପାରିଛି ଜ୍ଝ ଜଣେ ସେନା ଅଧିକାରୀ କହିଛନ୍ତି, ଆମେ ପୂର୍ବ ଲଦାଖର ଏହି ଉଚ୍ଚ ଉଚ୍ଚତା ଅଞ୍ଚଳରେ ବିଯୁକ୍ତ ୪୫ ଡିଗ୍ରୀ ସେଲସିୟସ୍ ଅତିବାହିତ କରିଛୁ। ଏହି ତାପମାତ୍ରାରେ ଏବଂ କଠିନ ଅଞ୍ଚଳରେ ଟ୍ୟାଙ୍କ ଚଳାଇବା ପାଇଁ ଆମେ ଆମର ମାନକ ପ୍ରଣାଳୀ (SOP) ବିକଶିତ କରିଛୁ ବୋଲି ସେ ସୂଚନା ଦେଇଛନ୍ତି ।
ପାଙ୍ଗୋଙ୍ଗ ହ୍ରଦ ଓ ଗୋଗର ଅଞ୍ଚଳ ସହିତ କିଛି ଅଞ୍ଚଳରେ ବିବାଦ ଓ ଅଶାନ୍ତ ପରିସ୍ଥିତି ସତ୍ତ୍ବେ ଉଭୟ ଦେଶରେ ଏଲଏସି ନିକଟରେ ଉଭୟ ଦେଶ ସୀମାରେ ସେନା ମୁତୟନ କରିଛନ୍ତି । ଭାରତୀୟ ସେନା ପ୍ରତିଟି ପରିସ୍ଥିତିକୁ ମୁକାବିଲା କରିବାକୁ ପ୍ରସ୍ତୁତ ରହିଛି ବୋଲି ସେନାଅଧିକାରୀ ସୂଚନା ଦେଇଛନ୍ତି। ଏଥିପାଇଁ ଭାରତୀୟ ସେନା ସୀମାରେ ଟ୍ୟାଙ୍କ ଓ ଅପରେସନକୁ ମଜବୁତ କରିବାରେ ଲାଗିଛି ବୋଲି ସେ କହିଛନ୍ତି ।
ସୂଚନାଯୋଗ୍ୟ ଭାରତୀୟ ସେନା ଦ୍ବାରା ଘାଟି ଅଞ୍ଚଳରେ ଯୁଦ୍ଧାଭ୍ୟାସ ଜାରି ରହିଛି । ଯୁଦ୍ଧାଭ୍ୟାସ ଜାରି ରହିଥିବା ସ୍ଥାନ ଚୀନ ସୀମାଠାରୁ ମାତ୍ର ୪୦ କିଲୋମିଟର ଦୂର ବୋଲି ଜଣାପଡ଼ିଛି । ଭାରତୀୟ ସେନା ଟ୍ୟାଙ୍କ ଅପରେସନକୁ ଆହୁରି ମଝବୁତ କରିଛି । ଏହି ଅପରେସନ ପାଇଁ ଗତବର୍ଷ ଠାରୁ ରଣନୀତିକୁ କଡ଼ାକଡ଼ି କରିଛି ।ସେନା ଅଧିକାରୀମାନେ କହିଛନ୍ତି କି ଅତ୍ୟଧିକ ଥଣ୍ଡା ମଧ୍ୟରେ ଟ୍ୟାଙ୍କ ଗୁଡ଼ିକର ଯତ୍ନ ନିଆଯିବାର ବ୍ୟବସ୍ଥା କରାଯାଇଛି । କାରଣ ପ୍ରବଳ ଥଣ୍ଡା କାରଣରୁ ଏହାର ରବର ଓ ଅନ୍ୟ ପାର୍ଟସ ଉପରେ ପ୍ରଭାବ ପକାଇପାରେ ବୋଲି ସେ କହିଛନ୍ତି।