Latest
ଆଜି ସନ୍ଧ୍ୟାରୁ ଓଡ଼ିଶାର ବିଭିନ୍ନ ଜିଲ୍ଲାରେ ବସ୍ ଚଳାଚଳ ବନ୍ଦ
ପଶ୍ଚିମ ଓ ଦକ୍ଷିଣ ଓଡ଼ିଶାରେ ବସ୍ ମାଲିକ ସଂଘ ପକ୍ଷରୁ ଆଜି ସନ୍ଧ୍ୟା ୬ଟାରୁ ୨୪ ଘଣ୍ଟିଆ ବସ୍ ଚଳାଚଳ ବନ୍ଦ ରହିବ। ଧର୍ମଘଟ ଯୋଗୁଁ କଳାହାଣ୍ଡି, ନୂଆପଡ଼ା, ନବରଙ୍ଗପୁର, ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, ବଲାଙ୍ଗୀର, ସୁବର୍ଣ୍ଣପୁର, ସମ୍ବଲପୁର, ବରଗଡ଼, ସମ୍ବଲପୁର, ସୁନ୍ଦରଗଡ଼ ଓ ଦେବଗଡ଼ ଜିଲ୍ଲାରେ ବସ୍ ଚଳାଚଳ ପ୍ରଭାବିତ ହୋଇପାରେ।ତେବେ ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଆଜି ବ୍ରହ୍ମପୁରରେ ଘରୋଇ ବସ୍ ମାଲିକ ସଂଘକୁ ଏକ ବୈଠକ ଡକାଇ ଦାବି ସମ୍ପର୍କରେ ଆଲୋଚନା କରିଛନ୍ତି।
ଲୋକେସନ୍ ଆକ୍ସେସିବଲ୍ ମଲ୍ଟି ମୋଡାଲ ଇନିସିଏଟିଭ୍ (ଏଲଏସିସିଏମଆଇ) ଯୋଜନାରେ ଓଡ଼ିଶା ସରକାର ଟାୟାର-୨ ବସ୍ ଚଳାଚଳ କରିବା ନିଷ୍ପତ୍ତିକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି।ସାଧାରଣ ପରିଷଦ ବୈଠକରେ ବସ୍ ମାଲିକମାନେ ସେମାନଙ୍କ ଦାବି ପ୍ରତି ରାଜ୍ୟ ସରକାରଙ୍କ କୌଣସି ପଦକ୍ଷେପ ନନେବାରୁ ଅସନ୍ତୋଷ ପ୍ରକାଶ କରିଥିଲେ। ଫଳରେ ୧୪ଟି ଜିଲ୍ଲାର ୨୪ଟି ବସ୍ ମାଲିକ ସଂଘ ବନ୍ଦ ଡାକରା ଦେଇଛନ୍ତି। ଦାବି ପୂରଣ ନହେଲେ ସଂଘଗୁଡ଼ିକ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କୁ ବୃଦ୍ଧି କରିପାରନ୍ତି।ବ୍ଲକକୁ ପଞ୍ଚାୟତକୁ ସଂଯୋଗ କରୁଥିବା ଟାୟାର-୧ ଏଲଏସିସିଏମଆଇ ବସର ଶୁଭାରମ୍ଭକୁ ସେମାନେ ସମର୍ଥନ କରୁଥିବା ବେଳେ ବ୍ଲକ ଓ ଜିଲ୍ଲା ସଦର ମହକୁମା ମଧ୍ୟରେ ଚଳାଚଳ କରୁଥିବା ଟାୟାର-୨ ବସ୍ ଚଳାଚଳକୁ ବିରୋଧ କରୁଥିବାରୁ ଘରୋଇ ବସ୍ ଅପରେଟରଙ୍କ ଆର୍ଥିକ କ୍ଷତି ହେଉଛି ବୋଲି ଜଣେ ବସ୍ ମାଲିକ କହିଛନ୍ତି।