Latest
ତ୍ୱଚା ସମସ୍ୟାକୁ ଦୂର କରେ ଲୁଣ ପାଣି, ଏହି ପ୍ରକାରେ କରନ୍ତୁ ବ୍ୟବହାର
ବର୍ତ୍ତମାନ ସମୟରେ ଅସ୍ୱାସ୍ଥ୍ୟକର ଖାଦ୍ୟପେୟ, ପାଣିପାଗରେ ପରିବର୍ତ୍ତନ, ହର୍ମୋନ୍ସରେ ଅସନ୍ତୁଳନ, ପ୍ରଦୂଷଣ ଏବଂ ଧୂଳି-ମାଟି କାରଣରୁ ତ୍ୱଚା ଖରାପ ହୋଇଯାଉଛି। ଏହା ସଂସ୍ପର୍ଶରେ ଆସି ତ୍ୱଚାରେ ବ୍ରଣ, ନାଲି ବ୍ରଣ, ତ୍ୱଚା ମଳିନ ପଡ଼ିଯିବା, ଚର୍ମ କୁଞ୍ଚନ ଆଦି କେତେକ ସମସ୍ୟା ଦେଖା ଦେଉଛି। ତେବେ ଏଥିରୁ ଛୁଟକାରା ପାଇବା ପାଇଁ ଲୋକେ ସାଧାରଣତଃ ବିଭିନ୍ନ ପ୍ରକାର ବିଉଟି ପ୍ରଡକ୍ଟ ବ୍ୟବହାର କରିଥାଆନ୍ତି। କିନ୍ତୁ କେବେ କେବେ ଘରୋଇ ଉପାୟ ଜରିଆରେ ମଧ୍ୟ ଏହି ସ୍କିନ୍ ସମସ୍ୟାରୁ ମୁକ୍ତି ପାଇହେବ। ଆଜି ଆମେ ଆପଣଙ୍କୁ ଲୁଣ ପାଣିର ଫାଇଦା ବିଷୟରେ କହିବୁ।
ଲୁଣ ପାଣିର ଟୋନର: ଲୁଣ ପାଣି ତ୍ୱଚା ଉପରେ ମହଜୁଦ ବ୍ୟାକ୍ଟେରିଆକୁ ଦୂର କରି ବ୍ରଣ ଓ ବ୍ରେକଆଉଟ ସମସ୍ୟାରୁ ମୁକ୍ତି ଦେଇଥାଏ। ଲୁଣରେ ମହଜୁଦ ପୋଷକ ତତ୍ତ୍ୱ ସ୍କିନ୍ ପୋର୍ସକୁ ଗଭୀରତାରୁ ସଫା କରିଥାଏ। ଏଥିପାଇଁ ୩-୪ କପ୍ ପାଣିକୁ ହାଲୁକା ଗରମ କରି ନିଅନ୍ତୁ। ଏଥିରେ ୧ ଚାମଚ ସାମୁଦ୍ରିକ ଲୁଣ ମିଶାନ୍ତୁ। ଯେତେବେଳେ ଏହି ପାଣି ଥଣ୍ଡା ହୋଇଯିବ, ତ ଏହାକୁ ବୋତଲରେ ଭରି ରଖନ୍ତୁ। ଏହାପରେ ଆପଣ ତୁଳା ସାହାଯ୍ୟରେ ଏହି ଲୁଣ ପାଣିକୁ ଟୋନର ରୂପେ ବ୍ୟବହାର କରିପାରିବେ।
ସ୍କ୍ରବ: ଲୁଣ ତ୍ୱଚାକୁ ଏକ୍ସଫୋଲିଏଟ୍ କରି ଏହାକୁ ଗଭୀରତାରୁ ସଫା କରିଥାଏ ଏବଂ ଡେଡ୍ ସ୍କିନ୍ ସେଲ୍ସକୁ ହଟାଇ ଦେଇଥାଏ। ଏଥିପାଇଁ ଆପଣ ଏକ ଚତୁର୍ଥାଂଶ କପ୍ ଲୁଣରେ ଏକ ଚତୁର୍ଥାଂଶ ନଡ଼ିଆ ତେଲ କିମ୍ବା ଅଲିଭ୍ ଅଏଲ୍ ମିଶାନ୍ତୁ। ଏହି ପେଷ୍ଟକୁ ନିଜ ତ୍ୱଚାରେ ଲଗାଇ ସର୍କୁଲାର ମୋଶନରେ ମସାଜ କରନ୍ତୁ। ପରେ ଟାେଓ୍ଵଲ କିମ୍ବା ଲୁଫା ସାହାଯ୍ୟରେ ସ୍କିନ୍ ରଗଡ଼ନ୍ତୁ।
ଫେସ୍ ମାସ୍କ: ୧ ଚାମଚ ଲୁଣରେ କିଛି ବୁନ୍ଦା ପାଣି ମିଶାଇ ନିଅନ୍ତୁ। ଏବେ ଏହି ପେଷ୍ଟରେ ମହୁ ମିଶାନ୍ତୁ। ମହୁ, ଲୁଣ ପାଣିରେ ଭଲ ଭାବେ ମିଶିଯିବା ପରେ ଏହି ଫେସ୍ ମାସ୍କକୁ ନେଇ ନିଜ ବେକ ଓ ଚେହେରାରେ ଲଗାନ୍ତୁ। ୧୫ ମିନିଟ୍ ପର୍ଯ୍ୟନ୍ତ ଶୁଖିଗଲା ପରେ ଚେହେରାକୁ ହାଲୁକା ଗରମ ପାଣିରେ ଧୋଇ ଦିଅନ୍ତୁ।