Latest
ଲଖିମପୁର ହିଂସା: ମୃତକଙ୍କ ସତ୍କାରକୁ ବିରୋଧ, ଅଟୋପ୍ସି ରିପୋର୍ଟ ଦାବି
ନୂଆଦିଲ୍ଲୀ: ଲଖିମପୁର ଖେରି ହିଂସା ଘଟଣା ଦିନକୁ ଦିନ ଉଗ୍ର ରୂପ ନେବାରେ ଲାଗିଛି। ରବିବାର ଦିନ ହିଂସାରେ ମୃତ୍ୟୁ ମୁଖରେ ପଡ଼ିଥିବା ଚାଷୀଙ୍କ ମଧ୍ୟରେ ଜଣେ ୧୯ ବର୍ଷର ଚାଷୀ ମଧ୍ୟ ରହିଥିଲେ। ତାଙ୍କ ନାଁ ଲଭପ୍ରିତ ସିଂ ବୋଲି ଜଣାପଡ଼ିଛି। ତେବେ ଘଟଣାରେ ଗୁରୁତର ଆହତ ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ସେ ପରିବାର ସଦସ୍ୟଙ୍କୁ ଦେଖିବା ପାଇଁ ଡକାଇଥିଲେ। ମାତ୍ର ପରିବାର ଲୋକେ ତାଙ୍କ ନିକଟରେ ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହୋଇଯାଇଥିଲା।
ସୂଚନାଯୋଗ୍ୟ କେନ୍ଦ୍ରୀୟ ରାଜ୍ୟ ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ଗାଡ଼ି ଚଢାଇ ୮ ଲୋକଙ୍କୁ ହତ୍ୟା କରିଥିବା ଅଭିଯୋଗ ହୋଇଥିଲା। ତେବେ ମୃତକଙ୍କ ମଧ୍ୟରେ ଲଭପ୍ରିତ ସିଂ ମଧ୍ୟ ରହିଥିଲେ। ତେବେ ଲଭପ୍ରିତଙ୍କ ଶବକୁ ରାସ୍ତାରେ ରଖି ସତ୍କାରକୁ ବିରୋଧ କରିଥିଲେ ପରିବାର ଲୋକେ ଓ ସମ୍ପର୍କିୟ। ସେମାନେ ଅଟୋପ୍ସି ଦାବି ରେ ଧାରଣାରେ ଅଡ଼ି ବସିଛନ୍ତି।
ଲଭପ୍ରିତଙ୍କ ବାପା କହିଛନ୍ତି କି ମୋ ପୁଅକୁ ଗାଡ଼ି ଚଢାଇ ହତ୍ୟା କରାଯାଇଛି। ଏମାନେ ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ପ୍ରଶାସନ ମାମଲାକୁ ଦବାଇବାକୁ ପ୍ରୟାସ କରୁଛି ବୋଲି ସେ କହିଛନ୍ତି। ଲଭପ୍ରିତଙ୍କ ଦୁଇ ଭଉଣୀ ସେମାନଙ୍କର ଏକମାତ୍ର ଭାଇଙ୍କୁ ହରାଇ ମାନସିକ ସ୍ତରରେ ଗଭୀର ଆଘାତ ବପାଇଥିବା ସେ କହିଛନ୍ତି।