Latest
ଚାମ୍ପିୟନ୍ସ ଟ୍ରଫି ଫାଇନାଲ ମ୍ୟାଚ୍ ପୂର୍ବରୁ ବିରାଟ କୋହଲୀ ଆହତ
ଦୁବାଇ: ଆଇସିସି ଚାମ୍ପିୟନ୍ସ ଟ୍ରଫି ଫାଇନାଲ ମ୍ୟାଚ୍ ପୂର୍ବରୁ ଟିମଇଣ୍ଡିଆ ଅଡ଼ୁଆରେ । ନ୍ୟୁଜିଲ୍ୟାଣ୍ଡ ବିପକ୍ଷରେ ଦୁବାଇ ଇଂଟରନ୍ୟାସନାଲ କ୍ରିକେଟ୍ ଷ୍ଟାଡ଼ିୟମରେ ହେବାକୁ ଥିବା ଫାଇନାଲ ମ୍ୟାଚରେ ଟିମଇଣ୍ଡିଆର ଅଲରାଉଣ୍ଡର ବିରାଟ କୋହଲୀ ଆହତ ହେବାର ଖବର ଗଣମାଧ୍ୟମରେ ପ୍ରକାଶ ପାଇଛି । ପାକିସ୍ତାନୀ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ ବିରାଟ କୋହଲୀ ନେଟପ୍ରାକ୍ଟିସରେ ବ୍ୟାଟିଂ କରୁଥିବାବେଳେ ତାଙ୍କ ଜଘଂରେ ବଲ୍ ବାଜିଥିଲା । ଅବଶ୍ୟ ବିରାଟ ଏହି ବଲ୍ ବାଜିବା ପରେ ସଙ୍ଗେସଙ୍ଗେ ଫିଜିଓଥେରାପିଙ୍କ ପାଖକୁ ଯାଇଥିଲେ । ତେଣୁ ବିରାଟ ଆହତ ହୋଇଥିବା ଖବର ଏବେ ଭାରତୀୟ କ୍ରିକେଟ୍ ଫ୍ୟାନ୍ସମାନଙ୍କୁ ନିରାଶ କରିଛି ।
ସେପଟେ ଫାଇନାଲ ମ୍ୟାଚରେ ୧୧ଜଣିଆ ଟିମରେ ୱିକେଟ୍ କିପର ତଥା ବ୍ୟାଟସମ୍ୟାନ୍ ଋଷଭ ପନ୍ଥଙ୍କୁ ସ୍ଥାନ ମିଳିପାରେ ବୋଲି ଚର୍ଚ୍ଚା ହେଉଛି । ନେଟପ୍ରାକ୍ଟିସରେ ଋଷଭ ଜୋରଦାର ପ୍ରାକ୍ଟିସ କରୁଥିବାରୁ ତାଙ୍କୁ ଏହି ଫାଇନାଲ ମ୍ୟାଚରେ ଖେଳିବାର ସୁଯୋଗ ମିଳିପାରେ ବୋଲି କୁହାଯାଉଛି । ଅବଶ୍ୟ ସେ ଏହି ଚାମ୍ପିୟନ୍ସ ଟ୍ରଫି-୨୦୨୫ରେ ଏପର୍ଯ୍ୟନ୍ତ ଗୋଟିଏବି ମ୍ୟାଚ୍ ଖେଳିବାର ସୁଯୋଗ ପାଇନାହାନ୍ତି ।