ଭୁବନେଶ୍ୱର : ସ୍କୁଲ ଓ କଲେଜ ଶିକ୍ଷକ ମିଳିତ ମଞ୍ଚ ଆନ୍ଦୋଳନ ସ୍ଥଗିତ ରଖବାକୁ ନିଷ୍ପତ୍ତି ନେଇଛି । ଆନ୍ଦୋଳନରୁ ହଟିବା ସହ ଯୁକ୍ତ ଦୁଇ ଖାତାଦେଖା ପ୍ରକ୍ରିୟାରେ ସାମିଲ ହେବାକୁ ସଂଘର ଆବାହକ ପବିତ୍ର ମାହାଲା ଘୋଷଣା କରିଛନ୍ତି। ବିବାଦର ସମାଧାନ ପାଇଁ ଆଜି ବସିଥିବା ବୈଠକରେ ସରକାର ଓ ଶିକ୍ଷକ ଓ ଅଧ୍ୟାପକ ସଂଘ ମଧ୍ୟରେ ବିସ୍ତୁତ ଆଲୋଚନା ହୋଇଥିଲା। ବୈଠକ ଶେଷରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ କହିଛନ୍ତି“ ଶିକ୍ଷକ ଓ ଅଧ୍ୟାପକ ସଂଘ ୩ଟି ଦାବି ରଖିଛନ୍ତି। ଦାବି ପୂରଣ ନେଇ ଚେଷ୍ଟା କରାଯିବ। ଆନ୍ଦୋଳନ ପ୍ରତ୍ୟାହାର ପାଇଁ ସେମାନଙ୍କୁ ଅନୁରୋଧ କରିଛୁ। ସଂଘର ପ୍ରତିନିଧି ଆନ୍ଦୋଳନ ପ୍ରତ୍ୟାହାର କରିବାକୁ କହିଛନ୍ତି।” ସେହିପରି ବୈଠକ ପରେ ସଂଘର ଆବାହକ ପବିତ୍ର ମହଲା କହିଛନ୍ତି,“ ୩ ମାସ ମଧ୍ୟରେ ଦାବି ପୂରଣ କରିବାକୁ ସରକାର ପ୍ରତିଶ୍ରୁତି ଦେଇଛନ୍ତି।”
