ଭୁବନେଶ୍ୱର : ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀଙ୍କ ତୃତୀୟ ମେଣ୍ଟ ଗଠନ ପ୍ରୟାସକୁ ନେଇ ଜାତୀୟ ରାଜନୀତି ଉଷ୍ମ ହୋଇଛି । ତେବେ ଏଭଳି ତୃତୀୟ ମେଣ୍ଟଠାରୁ ବିଜେଡି ଏବେ ଏବେ ସମଦ୍ୱରତ୍ୱ ନୀତି ଅବଲମ୍ବନ କରିବ ବୋଲି କହିଛି । ସମୟର ଆବଶ୍ୟକତାକୁ ଦୃଷ୍ଟିରେ ରଖି ଯାହା ଉଚିତ୍ ସେଭଳି ପଦକ୍ଷେପ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେବେ ବୋଲି ବିଜେଡି କହିଛି ।ଭୁବନେଶ୍ୱର : ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀଙ୍କ ତୃତୀୟ ମେଣ୍ଟ ଗଠନ ପ୍ରୟାସକୁ ନେଇ ଜାତୀୟ ରାଜନୀତି ଉଷ୍ମ ହୋଇଛି । ତେବେ ଏଭଳି ତୃତୀୟ ମେଣ୍ଟଠାରୁ ବିଜେଡି ଏବେ ଏବେ ସମଦ୍ୱରତ୍ୱ ନୀତି ଅବଲମ୍ବନ କରିବ ବୋଲି କହିଛି । ସମୟର ଆବଶ୍ୟକତାକୁ ଦୃଷ୍ଟିରେ ରଖି ଯାହା ଉଚିତ୍ ସେଭଳି ପଦକ୍ଷେପ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେବେ ବୋଲି ବିଜେଡି କହିଛି । ବିଜେଡିର ବରିଷ୍ଠ ନେତା ତଥା ମନ୍ତ୍ରୀ ପ୍ରତାପ ଜେନା କହିଛନ୍ତି ଯେ, ଦଳର ସଭାପତି ସବୁବେଳେ ବିଜେଡିର ଆଭିମୁଖ୍ୟ ସ୍ପଷ୍ଟ କରିଛନ୍ତି । କଂଗ୍ରେସ ଓ ବିଜେପିଠାରୁ ତାଙ୍କ ଦଳ ସମଦ୍ୱରତ୍ୱ ବଜାୟ ରଖିବା ନୀତିରେ ଏବେ ବି କାଏମ ରହିଛି । ତେବେ ଆଗାମୀ ଦିନରେ ଦଳର ଆଭିମୁଖ୍ୟ କ’ଣ ରହିବ ତା’ର ନିଷ୍ପତ୍ତି ବିଜେଡି ସଭାପତି ନିଜେ ନେବେ । ଦଳର ନେତାମାନଙ୍କ ସହ ବିଚାରବିମର୍ଶ କରି ଯାହା ଉଚିତ୍ ହେବ ସେଭଳି ପଦକ୍ଷେପ ସଭାପତି ନେବେ ବୋଲି ସେ କହିଛନ୍ତି । ଶ୍ରୀ ଜେନା ଏହି ଅବସରରେ କେନ୍ଦ୍ରରେ କ୍ଷମତାସୀନ ମୋଦି ସରକାରକୁ କଡ଼ା ସମାଲୋଚନା କରିଛନ୍ତି । ମୋଦି ସରକାରର ଅସଲ୍ ଚେହେରାକୁ ଲୋକଙ୍କ ନିକଟରେ ପହଞ୍ଚାଇବା ଦିଗରେ ବିଜେଡି କାର୍ଯ୍ୟ କରିବ । ମୋଦି ସରକାର ସବୁକ୍ଷେତ୍ରରେ ଫେଲ୍ ମାରିଛି । ନିର୍ବାଚନ ସମୟରେ ଦେଇଥିବା ପ୍ରତିଶ୍ରୁତିକୁ ପାଳନ କରିପାରିନି । ମୋଦି ସରକାର ହେଉଛି ପୁଞ୍ଜିପତିଙ୍କ ସରକାର । ଗରିବ,ଚାଷୀ ଓ ବେକାର ବିରୋଧୀ ମୋଦି ସରକାର ବିରୋଧରେ ବିଜେଡି ତା’ର ସ୍ୱରକୁ ଶାଣିତ କରିବ । ସେହିପରି ବିଜେଡି ଉପସଭାପତିି ସୂର୍ଯ୍ୟନାରାୟଣ ପାତ୍ର କହିଛନ୍ତି ଯେ, ବିଜେଡି ସମାନ ଦୂରତ୍ୱ ନୀତିରେ କାଏମ ରହିଛି । ତେବେ ତୃତୀୟ ମେଣ୍ଟରେ ବିଜେଡି ସାମିଲ ହେବ କି ନାହିଁ ତା’ର ନିଷ୍ପତ୍ତି କେବଳ ଦଳର ସଭାପତି ନବୀନ ପଟ୍ଟନାୟକ ନେବେ । ସୂଚନାଯୋଗ୍ୟ ଉତ୍ତର-ପୂର୍ବାଞ୍ଚଳ ରାଜ୍ୟରେ ବିପୁଳ ବିଜୟ ପରେ ବିଜେପି ଅଧ୍ୟକ୍ଷ ଅମିତ୍ ଶାହା ଓଡ଼ିଶା,ପଶ୍ଚିମବଙ୍ଗ ଓ କେରଳରେ ସରକାର ଗଢ଼ିବା ବିଜେପିର ମୁଖ୍ୟ ଲକ୍ଷ୍ୟ ବୋଲି କହିଥିଲେ । ଏହାପରେ ପଶ୍ଚିମବଙ୍ଗରେ କ୍ଷମତାସୀନ ତୃଣମୂଳ କଂଗ୍ରେସ ନେତ୍ରୀ ମମତା ବାନାର୍ଜୀ ବିଜେପି ବିରୋଧରେ ସ୍ୱରକୁ ଶାଣିତ କରିଛନ୍ତି ।
