ଭୁବନେଶ୍ୱର(ଓଡ଼ିଶା ୱେୟାର): ବାତ୍ୟା ‘ଫୋନି’ ଯୋଗୁ ରାଜଧାନୀ ଭୁବନେଶ୍ୱରରେ ବନ୍ଦ ଥିବା ‘ଆହାର’ କେନ୍ଦ୍ରଗୁଡ଼ିକ ଆଜି ପୁଣିଥରେ ଖୋଲିଛି। ପ୍ରାୟ ୧୨ଦିନ ପରେ ରାଜଧାନୀର ସମସ୍ତ ୧୧ଟି ଆହାର କେନ୍ଦ୍ର ଖୋଲିଥିବା ଜଣାପଡ଼ିଛି। ସୂଚନା ଅନୁସାରେ, ଆହାର କେନ୍ଦ୍ରରେ ୫ଟଙ୍କାରେ ମିଳୁଥିବା ଭାତ-ଡାଲମାକୁ ଅକ୍ଷୟ ପାତ୍ର ଫାଉଣ୍ଡେସନ ପ୍ରସ୍ତୁତ କରିଥାଏ। ‘ଫୋନି’ ବାତ୍ୟାରେ ଅକ୍ଷୟ ପାତ୍ର ଫାଉଣ୍ଡେସନର ମୁଖ୍ୟ ରୋଷେଇ ଘର ନଷ୍ଟ ହୋଇଥିବାରୁ ରାଜଧାନୀର ‘ଆହାର’ କେନ୍ଦ୍ରରେ ଭାତ-ଡାଲମା ଉପଲବ୍ଧ ହୋଇପାରୁନଥିଲା। ରାଜ୍ୟ ସରକାର ୨୦୧୫ ମସିହା ଏପ୍ରିଲ ପହିଲାରେ ‘୫ଟଙ୍କାରେ ଭାତ-ଡାଲମା’ ଯୋଗାଇ ଦେବା ପାଇଁ ରାଜ୍ୟର ସହରାଞ୍ଚଳଗୁଡ଼ିକରେ ଏହି ଆହାର କେନ୍ଦ୍ର ଖୋଲିଥିଲେ।
