ଭୁବନେଶ୍ୱର: ରାଜ୍ୟରେ ଅଧିକ ୫୦ଟି କୋର୍ଟ ଖୋଲିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।
ଭୁବନେଶ୍ୱରରେ ଜୁଡିସିଆଲ କୋର୍ଟ କମ୍ପେ୍ଲକ୍ସର ଭୂମିପୂଜା ଅବସରରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଛନ୍ତି ଯେ, ରାଜ୍ୟ ସରକାର କେବଳ ନ୍ୟାୟ ପ୍ରଦାନ ନୁହେଁ ବରଂ ରାଜ୍ୟବାସୀଙ୍କୁ ଦ୍ୱାରଦେଶରେ ନ୍ୟାୟ ଯୋଗାଇ ଦେବାକୁ ପ୍ରତିଶ୍ରୁତିବଦ୍ଧ । ଏହି ପ୍ରକ୍ରିୟାରେ ପ୍ରତିବର୍ଷ ନୂଆ କୋର୍ଟ ସ୍ଥାପନ କରାଯାଉଛି । ଗତ ୪ବର୍ଷ ମଧ୍ୟରେ ରାଜ୍ୟ ସରକାର ୧୭୦ଟି ନୂଆ କୋର୍ଟ ସ୍ଥାପନ କରିଛନ୍ତି । ଚଳିତବର୍ଷ ରାଜ୍ୟ ସରକାର ଫ୍ୟାମିଲି କୋର୍ଟ ଓ ଅତିରିକ୍ତ ଜିଲ୍ଲା ଜଜ୍ କୋର୍ଟ ସମେତ ମୋଟ ୫୦ଟି ନୂଆ କୋର୍ଟ ସ୍ଥାପନ ପାଇଁ ନିଷ୍ପତ୍ତି ନେଇଛନ୍ତି । ରାଜ୍ୟ ସରକାର ନିଜଟରେ ୩ଟି ବ୍ୟବସାୟିକ କୋର୍ଟ ସ୍ଥାପନ କରିଛନ୍ତି, ଯାହାକି ରାଜ୍ୟରେ ନିବେଶ-ଅନୁକୂଳ ପରିବେଶ ସୃଷ୍ଟି କରିବ ।
