ପ୍ୟାରିସରେ ଚାଲିଥିବା ପାରା ଅଲିମ୍ପିକ୍ସରେ ମହିଳା ୧୦ ମିଟର ଏୟାର ରାଇଫଲ ପ୍ରତିଯୋଗିତାରେ ଭାରତର ଅବନୀ ଲେଖରା ସ୍ବର୍ଣ୍ଣ ପଦକ ଜିତିଥିବାବେଳେ ମୋନା ଅଗ୍ରୱାଲ ସମାନ ଇଭେଣ୍ଟରେ ବ୍ରୋଞ୍ଜ ପଦକ ଜିତିଛନ୍ତି। ପ୍ୟାରିସ ପାରା ଅଲମ୍ପିକ୍ ଗେମ୍ସରେ ଭାରତ ଦୁଇଟି ପଦକ ଜିତି ନବମ ସ୍ଥାନରେ ପହଞ୍ଚିଛି।
ଅବନୀ ଲେଖରା ଫାଇନାଲରେ ୨୪୯.୬ ସ୍କୋର କରି ସ୍ବର୍ଣ୍ଣ ପଦକ ଜିତି ଏକ ନୂତନ ପାରାଲିମ୍ପିକ ରେକର୍ଡ ସ୍ଥାପନ କରିଥିଲେ। ସେ ପାରାଲିମ୍ପିକ୍ସରେ ଦୁଇଟି ସ୍ୱର୍ଣ୍ଣ ପଦକ ଜିତିଥିବା ପ୍ରଥମ ଭାରତୀୟ ମହିଳା ହୋଇଛନ୍ତି। ତିନି ବର୍ଷ ପୂର୍ବେ ଟୋକିଓ ପାରାଲିମ୍ପିକ୍ସରେ SH1 ବର୍ଗରେ ସ୍ୱର୍ଣ୍ଣ ପଦକ ଜିତିବା ପରେ ଅବନୀ ଦେଶର ସର୍ବାଧିକ ହେଡଲାଇନ ପାରା ଆଥଲେଟ୍ ହୋଇଥିଲେ। ସେ ଟୋକିଓ ପାରାଲିମ୍ପିକ୍ସରେ ୧୦ ମିଟର ଏୟାର ରାଇଫଲରେ ସ୍ୱର୍ଣ୍ଣ ପଦକ ଏବଂ ୫୦ ମିଟର ରାଇଫଲରେ ତୃତୀୟ ସ୍ଥାନରେ ରହି ବ୍ରୋଞ୍ଜ ପଦକ ଜିତିଥିଲେ।
ଶୁକ୍ରବାର ପ୍ୟାରିସ ପାରାଲିମ୍ପିକ୍ସରେ ମହିଳା ୧୦ ମିଟର ଏୟାର ରାଇଫଲ ଫାଇନାଲ ର ଯୋଗ୍ୟତା ଅର୍ଜନ କରି ଅବନୀ ଲେଖରା ଫାଇନାଲରେ ପ୍ରବେଶ କରିବାରେ ସଫଳ ହୋଇଥିଲେ।
